07.09.2026 | 15:25
Հրդեհ Երևանյան լճին հարակից ձորում. դեպքի վայր է մեկնել երկու մարտական հաշվարկ
Ռուսական զորքերը հարվածել են Դնեպրոպետրովսկի և Սումիի շրջաններին․ կան տուժածներ
Քաղաքականություն
29.09.2025 | 13:35
ՌԴ զորքերը սեպտեմբերի լույս 29-ի գիշերն անօդաչու թռչող սարքերով հարվածներ են հասցրել Ուկրաինային։ Current time-ի փոխանցմամբ՝ Դնեպրոպետրովսկի մարզային ռազմական վարչակազմի ղեկավար Սերգեյ Լիսակը հայտնել է, որ ռուսական զորքերը հարձակվել են Սինելնիկովսկի շրջանի Պոկրովսկայա, Սլավյանսկ և Մեժևսկ համայնքների վրա։ Վիրավորվել է 44-ամյա տղամարդ։
Ուկրաինայի արտակարգ իրավիճակների պետական ծառայությունը հայտնել է, որ վնասվել են վարչական շենք, հյուրանոց, բնակելի շենքեր և մեքենա։
Ռուսական ուժերը նաև հարված են հասցրել Սումիի մարզի Կոնոտոպի շրջանի գյուղերից մեկի բնակելի թաղամասին: Պետական արտակարգ իրավիճակների ծառայության տվյալներով՝ մասնավոր տարածքում հրդեհ է բռնկվել ամառային խոհանոցում և օժանդակ շինությունում: Փրկարարները մարել են հրդեհը և կանխել դրա տարածումը դեպի տուն: Նախնական տեղեկությունների համաձայն՝ մեկ մարդ վիրավորվել է:
Ուկրաինայի ռազմաօդայի ուժերի հաղորդմամբ՝ լույս երկուշաբթի գիշերը Ուկրաինան հարձակման է ենթարկվել 32 «Շահեդ», «Գերբերա» և այլ գրոհային հարվածային անօդաչու թռչող սարքերով։
Նախնական տվյալներով՝ երկրի հարավում և արևելքում խոցվել է 23 անօդաչու թռչող սարք։ Ուկրաինական զինվորականների տվյալներով՝ ութ վայրերում խոցվել է ինը հարվածային անօդաչու թռչող սարք։
Թարգմանությունը՝ Էմմա Չոբանյանի
