07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Կրասնոդարի երկրամասում ԱԹՍ-ների հարձակման հետևանքով նավթավերամշակման գործարանում հրդեհ է բռնկվել․ ՏԵՍԱՆՅՈՒԹ
Քաղաքականություն
26.09.2025 | 12:18
Կրասնոդարի երկրամասի Աֆիպսկի նավթավերամշակման գործարանում սեպտեմբերի լույս 26-ի գիշերը հրդեհ է բռնկվել խոցված ուկրաինական անօդաչու թռչող սարքի բեկորների անկման հետևանքով։ Այս մասին հայտնել է տարածաշրջանի օպերատիվ շտաբը, գրում է Meduza-ն։
Հաղորդագրության համաձայն՝ հրդեհի տարածքը կազմել է շուրջ 30 քառակուսի մետր։ Այն մարվել է, տուժածներ չկան։
Բացի այդ, գիշերը անօդաչու թռչող սարքի բեկորները վնասել են Դոնի Ռոստովի Դովատորա փողոցում գտնվող խանութի ճակատային մասը և պատուհանները, ինչպես նաև մի քանի մեքենաներ կայանատեղիում, հայտնել է Ռոստովի մարզի ղեկավարը։ Ոչ ոք չի տուժել։
Ռոստովի քաղաքապետն էլ հայտնել է, որ «Ռոստովի Սովետսկի շրջանում» հրդեհ է բռնկվել բեռնատարում։ Կրակ մարվել է, տուժածներ չկան։
Ռուսաստանի պաշտպանության նախարարությունը հայտնել է, որ սեպտեմբերի լույս 26-ի գիշերը խոցվել է ավելի քան 50 ուկրաինական անօդաչու թռչող սարք, այդ թվում՝ Կրասնոդարի երկրամասում և Ռոստովի մարզում։
Վերջին ամիսներին ուկրաինական անօդաչու թռչող սարքերը պարբերաբար հարձակվում են ռուսական նավթավերամշակման գործարանների վրա։ Հարվածների հետևանքով դրանք մասամբ կամ ամբողջությամբ դադարեցնում են աշխատանքը, ինչը, ի թիվս այլ բաների, հանգեցնում է վառելիքի պակասի և գների բարձրացման։
Թարգմանությունը՝ Էմմա Չոբանյանի
