20.08.2026 | 17:51
«Լրագրողները շատ են հարցեր տալիս»․ Սամվել Կարապետյանը խնդրեց չմասնակցել դատական նիստերին
Պարզաբանելով ժողովրդավարությունը․ նոր պատմություններ՝ Factor TV-ում
08.09.2025 | 18:45
Ինչ գիտեք դուք եվրոպական ժողովրդավարության մասին, ինչպես են կառավարման համակարգերը նպաստում երկրների զարգացմանը, ինչու է ժողովրդավարական երկրի քաղաքացին առավել պաշտպանված և բարեկեցիկ: Այս եվ այլ հարցերի պատասխանները կգտնեք մեր նոր շարքում։
Factor TV-ն ամենշաբաթյա պարբերականությամբ իր ընթերցողներին կներկայացնի մուլտիմեդիա պատմություններ՝ եվրոպական ինստիտուտների մասին։ Այն միտված է մեր ընթերցողին պատկերացում տալու եվրոպական արժեքների վրա գործող համակարգերի մասին տարբեր ոլորտներում։
«Պարզաբանելով ժողովրդավարությունը․ իրազեկման նախաձեռնությունը» Հայաստանում Նիդերլանդերի Թագավորության Դեսպանության և Մեդիա նախաձեռնությունների կենտրոնի համատեղ ձեռնարկն է։
Այս պատմությունները կներկայացնեն, թե ինչպես են գործում եվրոպական ինստիտուտները, ինչպիսի ավանդույթներ կան և ինչպես են դրանք խթանում հասարակության բարեկեցությունն ու ապահովում արդարությունը։ Ներկայացվող մուլտիմեդիա պատմությունները կներառեն պատմական իրադարձություններ եվ առանցքային դեմքեր, որոնք ձեւավորել են եվրոպական ժողովրդավարությունը՝ շեշտադրելով նաև հոլանդական փորձը:
Շարքը կհեղինակեն հայաստանյան տարբեր լրատվամիջոցների լրագրողներ, այն կներառի թեմաների լայն շրջանակ՝ կանանց ներգրավվածությունից ու աշխատանքային իրավունքներից մինչեւ տնտեսական հաջողված մոդելներ, մշակութային կառավարում եւ կանաչ միջավայր։
Առաջին հրապարակմանը սպասեք սեպտեմբերի 11-ին։
