10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Հունան Պողոսյանը և Վալերի Օսիպյանը պետք է դատարանի առաջ կանգնեն. Գևորգ Սաֆարյան. ՏԵՍԱՆՅՈՒԹ
Քաղաքականություն
22.10.2018 | 15:08
Հունան Պողոսյանն ու Վալերի Օսիպյանը նախորդ ռեժիմի ամենակարկառուն ներկայացուցիչներից են և պետք է ազատվեն պաշտոններից: Այս մասին այսօր՝ հոկտեմբերի 22-ին, լրագրողների հետ հանդիպմանը հայտարարեց «Սասնա ծռեր» կուսակցության քարտուղարության անդամ Գևորգ Սաֆարյանը:
«Հանրության համար շատ ցավոտ եղավ Հունան Պողոսյանի նշանակումը: Մենք հորդորում ենք վարչապետի պաշտոնակատարին Հունան Պողոսյանին և Վալերի Օսիպյանին հեռացնել պաշտոններից, քանի որ նրանք հանդիսանում են նախորդ ռեժիմի ամենակարկառուն ներկայացուցիչներից, որոնք թե՛ կազմակերպել են, թե՛ մասնակից են եղել մի շարք հանցագործությունների: Ոչ միայն չի կարելի նրանց խրախուսել՝ պաշտոններ տալով, այլև նրանք պետք է կանգնեն դատարանի առաջ»,- հավելեց նա:
Ըստ Գևորգ Սաֆարյանի՝ երկիրն այսօր գտնվում է անորոշ վիճակում, որովհետև վարչապետը հրաժարական տվեց, և հիմա մարդիկ չգիտեն՝ վաղն ինչ է լինելու: Նա, միաժամանակ, կոչ արեց զերծ մնալ հնարավոր սադրանքներից:
«Բոլոր նրանց, եթե կազմակերպում են ինչ-որ սադրանքներ, խժդժություններ, բազմիցս ասել ենք, ևս մեկ անգամ ասում ենք՝ զերծ մնան նման արկածախնդրությունից, քանի որ ռևանշ Հայաստանում չի լինելու: Մենք ժողովրդի հետ միասին դուրս կգանք փողոց և ցանկացած միջոցներով թույլ չենք տա նախորդ ավտորիտար ռեժիմի վերականգնումը»,- հայտարարեց «Սասնա Ծռեր» կուսակցության քարտուղարության անդամը:
Նա հիշեցրեց նաև, որ «Սասնա Ծռեր» կուսակցությունը հայտարարել է արտահերթ խորհրդարանական ընտրություններին մասնակցելու մտադրության մասին:
Մանրամասները՝ տեսանյութում
