14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Նորահայտ թանկարժեք գեղանկարներ․ ինչ է հայտարարագրել Լևոն Տեր-Պետրոսյանը
Քաղաքականություն
15.08.2025 | 14:00
Հայ ազգային կոնգրես (ՀԱԿ) կուսակցության նախագահ Լևոն Տեր-Պետրոսյանն անցած տարի ստացել է 16,4 մլն դրամ եկամուտ, որից մոտ 14 միլիոնը կենսաթոշակն է, 2,4 մլն դրամը՝ «Փափայա» ՍՊԸ-ից ստացված տարածքի վարձակալության վճար։
Տեր-Պետրոսյանի՝ որպես կուսակցության ղեկավար Կոռուպցիայի կանխարգելման հանձնաժողով ներկայացրած գույքի և եկամուտների հայտարարագրից տեղեկանում ենք, որ նա Երևանում ունի առանձնատուն, հողամաս և 3 հասարակական նշանակության շինություն, որոնցից մեկը 2024-ին նվիրել է որդուն՝ Դավիթ Տեր-Պետրոսյանին։ Նա հայտարարագրել է 1998 թվականին նվիրատվություն ստացած LINCOLN մակնիշի ավտոմեքենա։
Ուշագրավ է, որ 2021-ի ԱԺ ընտրություններին մասնակցելու կապակցությամբ Կենտրոնական ընտրական հանձնաժողով ներկայացրած հայտարարագրում Լևոն Տեր-Պետրոսյանը որևէ թանկարժեք գույք չէր հայտարարագրել, իսկ ահա 2024 թվականի հայտարարագրում նշել է 3 գեղանկար, յուրաքանչյուրը՝ 4 մլն դրամ արժողությամբ, որոնք նվիրատվություն է ստացել՝ 2000, 2002 և 2005 թվականներին։
ՀԱԿ նախագահի բանկային հաշվին, 2024-ի տարեվերջի դրությամբ, եղել է 2010 դոլար և 119,5 դրամ, կանխիկ միջոցները՝ 4 մլն դրամ։
Գայանե Խաչատրյան
