23.05.2026 | 12:34
Մարմարիկի ճանապարհին «Mercedes-Benz»-ը մոտ 15 մ գլորվել է ձորակը և բռնկվել․ 3 տուժած հոսպիտալացվել է
Ռուսական զորքերն Օդեսայում հարվածել են բազմահարկ բնակելի շենքի և շուկայի․ տուժածներ կան
Քաղաքականություն
24.07.2025 | 12:46
ՌԴ զորքերը հուլիսի լույս 24-ի գիշերը հրթիռներ և անօդաչու թռչող սարքերով հարվածել են Ուկրաինային։ Օդեսան ենթարկվել է զանգվածային հարձակման, գրում է Current time-ը։
Ուկրաինայի Արտակարգ իրավիճակների պետական ծառայության տվյալներով՝ ավերվել է ինը հարկանի շենք, հինգերորդից մինչև ութերորդ հարկերի բնակարաններում բնակվող մարդիկ մնացել են անօթևան։ Բացի այդ, հրդեհվել են մուտքերից մեկի հինգերորդ և վեցերորդ հարկերի բնակարանները։ Շենքի բնակիչները տարհանվել են, երեք մարդ վիրավորվել է։
Ռուսական զորքերը հարված են հասցրել նաև Օդեսայի պատմական հատվածում գտնվող «Պրիվոզ» շուկային։ Արտակարգ իրավիճակների ծառայության տվյալներով՝ հրդեհ է բռնկվել երկհարկանի շենքում և առևտրային տաղավարներում, հրդեհը մարվել է առավոտյան։
Օդեսայի տարածաշրջանային ռազմական վարչակազմի ղեկավար Օլեգ Կիպերը հայտնել է, որ վնասվել են Օդեսայի պատմական կենտրոնի ճարտարապետական հուշարձանները, որոնք ՅՈՒՆԵՍԿՕ-ի պաշտպանության տակ են։
Չերկասի շրջանային ռազմական վարչակազմի ղեկավար Իգոր Տաբուրեցն էլ հայտնել է Չերկասիի վրա հրթիռային հարձակման մասին: Նրա տեղեկացմամբ՝ վնասվել են բնակելի շենքեր, մեքենաներ և «Ուկրաինայի անտառներ» պետական ձեռնարկության շենքը: Քաղաքապետ Անատոլի Բոնդարենկոն հայտնել է յոթ վիրավորի մասին:
Խերսոնում էլ անօդաչու թռչող սարքի հարձակման հետևանքով երկու մարդ է տուժել։
Թարգմանությունը՝ Էմմա Չոբանյանի
