16.07.2026 | 21:58
ԿԼ. «Ալաշկերտը» վերջին վայրկյաններին փրկվեց պարտությունից ու հաղթեց հետխաղային 11-մետրանոցներով․ ՏԵՍԱՆՅՈՒԹ
ԱՊՀ գլխավոր քարտուղարը բացառել է կազմակերպությունից Հայաստանի դուրս գալը
Քաղաքականություն
18.07.2025 | 17:52
«Հայաստանի՝ ԱՊՀ-ից դուրս գալու ցանկության մասին ազդանշաններ չեն եղել, այս տարբերակը բացառվում է»,- այս մասին ՏԱՍՍ-ի հետ զրույցում ասել է ԱՊՀ տնտեսական խորհրդի 106-րդ նիստի շրջանակներում կազմակերպության գլխավոր քարտուղար Սերգեյ Լեբեդևը։
«Ես լիովին բացառում եմ այս տարբերակը, նույնիսկ որևէ նշան չկա, որ Հայաստանը պատրաստվում է դուրս գալ ԱՊՀ-ից, ուզում եմ ասել՝ ինչպես Ադրբեջանը», – ասել է նա՝ պատասխանելով Հայաստանի կողմից կազմակերպությունից դուրս գալու հնարավորության մասին հարցին։
Լեբեդևն ընդգծել է, որ Հայաստանը շարունակում է մասնակցել ԱՊՀ տարբեր նիստերին։ «Այսօր Հայաստանի լիազոր ներկայացուցիչը ներկա էր ԱՊՀ տնտեսական խորհրդի նիստին, ելույթ է ունեցել հարցերի էության մասին և լիազորված էր ստորագրել մի շարք փաստաթղթեր», – նշել է ԱՊՀ գլխավոր քարտուղարը։ Լեբեդևին այս հարցն ուղղել են ՀԱՊԿ-ից դուրս գալու հնարավորության մասին Փաշինյանի վերջին հայտարարության ֆոնին։
Հիշեցնենք, որ ՀՀ վարչապետ Նիկոլ Փաշինյանը հայտարարել էր, որ պաշտոնական Երևանն ավելի հավանական է համարում ՀԱՊԿ անդամակցությունն ամբողջությամբ դադարեցնելը, քան անդամակցության ապասառեցումը։
«Ավելի հավանական է, որ մենք ՀԱՊԿ-ից դուրս կգանք, քան թե կապասառեցնենք մեր անդամակցությունը»,- ասել էր Փաշինյանը վերջին մամուլի ասուլիսի ժամանակ։
Թարգմանությունը` Էմմա Չոբանյանի
