22.04.2026 | 23:30
ՀՀ տարածքում ավտոճանապարհները հիմնականում անցանելի են
«Ոստիկանները ներխուժել են Վերին Դվին և ձերբակալություններ սկսել». ահազանգի հետքերով
Քաղաքականություն
18.07.2025 | 13:44
ԱԺ «Հայաստան» խմբակցության պատգամավոր Զեմֆիրա Միրզոյեվան ֆեյսբուքյան իր էջում տեսանյութեր է հրապարակել, հայտնելով, որ իրեն են դիմել Արարատի մարզի Վերին Դվին համայնքի բնակիչներ՝ ահազանգելով, թե վաղ առավոտից ոստիկանները ներխուժել են իրենց համայնք և ձերբակալություններ են սկսվել իրականացրել.
«Բնակիչների խոսքով՝ իրավապահները թույլ չեն տալիս մարդկանց իրենց առօրյա գյուղատնտեսական աշխատանքները կատարել և բացահայտ հայտարարում են՝ «Տեռոր ենք անում, ահաբեկում ենք, լավ ենք անում, շուտով հատուկ ջոկատայիններ էլ կկանչենք»։ Ըստ ահազանգի՝ ձերբակալում են թե՛ տղամարդկանց, և թե՛ կանանց»,- գրել էր պատգամավորը։
Factor TV-ն կապ հաստատեց Ներքին գործերի նախարարություն, որտեղից փոխանցեցին, որ՝ խուլիգանության փաստով նախաձեռնված քրեական վարույթի շրջանակներում են ձերբակալվել Արևշատ համայնքի բնակիչները։
Քննչական կոմիտեից FactorTV-ին տեղեկացրին, որ խուլիգանություն կատարելու հոդվածի հատկանիշներով այս պահին ձերբակալվել է 4 անց.
«Հաղորդման հիման վրա 2025 թվականի հուլիսի 16-ին ՀՀ քրեական օրենսգրքի 195-րդ հոդվածի 2-րդ մասի 5-րդ կետով (մի խումբ անձանց կողմից ֆիզիկական ներգործություն), 297-րդ հոդվածի 2-րդ մասի 1-ին կետով (մի խումբ անձանց կողմից խուլիգանություն) և 297-րդ հոդվածի 3-րդ մասով (մի խումբ անձանց կողմից խուլիգանություն, որը կատարվել է զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ կամ դրա գործադրման սպառնալիքով) նախաձեռնվել է քրեական վարույթ»,- տեղեկացրեց Քննչական կոմիտեի մամուլի քարտուղար Կիմա Ավդալյանը։
FactorTV-ի տեղեկություններով՝ ավտովթար է տեղի ունեցել, ինչից հետո վթարի մասնակից անձինք սկսել են միմյանց հասցեին մեղադրանքներ և հայհոյանքներ հնչեցնել, ինչն էլ մեծ վեճի է վերածվել։
Ռոզա Վարդանյան
