17.02.2026 | 14:45
ՀՁՖ նախագահը մեդալների ակնկալիք ունի երևանյան ԵԱ-ում
ՀՀ-ն որպես դիտորդ Վրաստանում կմասնակցի Agile Spirit միջազգային զորավարժություններին
Քաղաքականություն
15.07.2025 | 13:27
Վրաստանում հուլիսի 25-ից օգոստոսի 6-ը կանցկացվեն Agile Spirit 2025 միջազգային բազմազգ զորավարժությունները։ Մեր հարևան երկիրը դրանք կհյուրընկալի տասներկուերորդ անգամ։
Վրաստանի ՊՆ-ի հաղորդմամբ՝ Agile Spirit 2025-ը նպատակ ունի բարձրացնել մասնակից երկրների պաշտպանական ուժերի պատրաստվածության մակարդակը, փոխգործունակությունը և գործառնական կարողությունները: Զորավարժության հիմնական բաղադրիչներն են հրամանատարաշտաբային հատվածը, վրաց-ամերիկյան մարտավարական շարասյուն Սենակի-Վազիանի երթուղով, հրաձգություններ, հատուկ գործողությունների ուժերի համատեղ գործողություններ, ինչպես նաև Վրաստանի պաշտպանության ուժերի մարտական պատրաստության կենտրոնի կարողությունների ստուգում։
Agile Spirit 2025-ը կանցկացվի Վրաստանում և Թուրքիայում: Վրաստանում նախատեսված Agile Spirit 2025-ը համատեղ կղեկավարեն Վրաստանի պաշտպանության ուժերի արևմտյան հրամանատարությունը և ԱՄՆ-ի Վրաստանի ազգային գվարդիան, և դրան կմասնակցեն զինծառայողներ Վրաստանից, ԱՄՆ-ից, Թուրքիայից, Լեհաստանից, Գերմանիայից, Իտալիայից, Հունաստանից, Մոլդովայից, Ռումինիայից, Բուլղարիայից, Սլովակիայից, Լիտվայից և Ուկրաինայից:
Զորավարժություններին որպես դիտորդներ ներկա կլինեն Հայաստանի և Ճապոնիայի զինված ուժերի ներկայացուցիչները:
Վարժանքներին մասնակցելու համար Վրաստան են բերվել ԱՄՆ բանակի մարտական մեքենաներ և UH60 Black Hawk բազմաֆունկցիոնալ ուղղաթիռներ, ինչպես նաև Թուրքիայի զինված ուժերի Puma AS332 ուղղաթիռ:
Թարգմանությունը՝ Էմմա Չոբանյանի
