ՌԴ-ն ԱԹՍ-ներով հարձակվել է Խարկովի, Օդեսայի և Կիևի վրա․ զոհեր և վիրավորներ կան

Ռուսական զորքերը հուլիսի լույս 7-ի գիշերը անօդաչու թռչող սարքերով հարձակվել են Ուկրաինայի վրա, փոխանցում է Current time-ը։

Ուկրաինայի արտակարգ իրավիճակների պետական ​​ծառայության տվյալներով՝ Խարկովի Սլոբոդսկի շրջանում վնասվել են մանկապարտեզ և առևտրի կենտրոն։ Քաղաքապետ Իգոր Տերեխովը հայտնել է, որ ռուս զինվորականները թիրախավորել են բնակելի շենքեր և քաղաքացիական օբյեկտ։ Շևչենկովի շրջանում ռուսական բանակը հարձակվել է բազմահարկ բնակելի շենքի վրա, հրդեհ է բռնկվել դրա հարկերից մեկում։

Խարկովում տուժածների թիվը հասել է 27-ի, նրանց թվում կա երեք երեխա։

Օդեսայում, ըստ  ​​արտակարգ իրավիճակների ծառայության, վնասվել է 10 ավտոտնակ, սպասարկման կայանի տարածքում գտնվող վարչական շենք։ Ոչնչացվել են մեքենաներ, բեռնատարներ և մեկ ավտոբուս։

Օդեսայի մարզային ռազմական վարչակազմի ղեկավար Օլեգ Կիպերը հայտնել է, որ հարվածի հետևանքով կառույց է հրդեհվել է, մեկ մարդ մահացել է։

Կիևի քաղաքապետ Վիտալի Կլիչկոն հայտնել է, որ անօդաչու թռչող սարքի բեկորների ընկնելու հետևանքով վարչական շենք է վնասվել, գազատարը, դատարկ բաք և մեկ մեքենա։ Այրվող մեքենայի պայթյունի հետևանքով վնասվել են ոչ բնակելի շենքի և մոտակա մեքենաների ապակիներ։

Սոլոմենսկի շրջանում խփված անօդաչու թռչող սարքի բեկորներն ընկել են ավտոլվացման կետի վրա՝ վնասելով մեքենաները և ջրամատակարարման խողովակը, իսկ Գոլոսեևսկի շրջանում՝ գրասենյակային շենքի պատուհանները: Նախնական տեղեկություններով՝ ոչ ոք չի տուժել:

Թարգմանությունը՝ Էմմա Չոբանյանի