Քաղաքականություն
04.07.2025 | 19:20
Կիևի վրա գիշերային հարձակման հետևանքով վնասվել է Լեհաստանի դեսպանատան հյուպատոսական հատվածը, զոհեր չկան։ Այս մասին X սոցիալական ցանցում հայտնել է Լեհաստանի արտաքին գործերի նախարար Ռադոսլավ Սիկորսկին։
«Կիևի վրա զանգվածային ռասիստական հարձակման ժամանակ վնասվել է մեր դեսպանատան հյուպատոսական բաժնի շենքը։ Ես խոսեցի դեսպան Լուկասևիչի հետ. բոլորը ողջ և առողջ են։ Ուկրաինային շտապ անհրաժեշտ են հակաօդային պաշտպանության համակարգեր»,- նշել է նա։
Մեկ այլ գրառմամբ էլ նա դիմել է ԱՄՆ նախագահ Դոնալդ Թրամփին։
«Նախագա՛հ Թրամփ, Պուտինը ծաղրում է ձեր խաղաղության ջանքերը։ Խնդրում եմ՝ վերականգնել Ուկրաինային հակաօդային զինամթերքի մատակարարումը և կիրառել նոր խիստ պատժամիջոցներ ագրեսորի նկատմամբ»,- գրել է Լեհաստանի ԱԳ նախարարը։
Ուկրաինայի ԱԳ նախարարն էլ հայտնել է Օդեսայում Չինաստանի հյուպատոսության շենքի վնասվելու մասին։
«Ի՜նչ հեգնանք։ Այսօր Ուկրաինայի վրա Ռուսաստանի կողմից իրականացված զանգվածային օդային հարձակումից հետո մենք Կիևում հայտնաբերել ենք Չինաստանում արտադրված և վերջերս մատակարարված ռուս-իրանական մարտական անօդաչու թռչող սարքի՝ Shahed-136/Գերան-2-ի մի մասը։ Նախօրեին էլ Օդեսայում Չինաստանի գլխավոր հյուպատոսության շենքը աննշան վնասներ է ստացել քաղաքի վրա ռուսական հարվածների հետևանքով»,- X-ում գրել է արտգործնախարար Անդրեյ Սիբիհան։
Չինաստանը չի հայտնել Օդեսայում իր հյուպատոսությանը ռուսական հարձակումների հետևանքով պատճառված որևէ վնասի մասին։
Թարգմանությունը՝ Էմմա Չոբանյանի
