16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Աջափնյակի նախկին թաղապետ Թելման Թադևոսյանը Քննչական կոմիտեում է
Հասարակություն
25.06.2025 | 11:40
Քննչական կոմիտեն այսօր հաղորդագրություն է տարածել այն մասին, որ «Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ։
Խուզարկություններ են իրականացվել կամ իրականացվում «Սրբազան պայքար»-ն առաջնորդած Բագրատ Գալստանյանի, շարժման աջակիցների, ԱԺ «Հայաստան» խմբակցության պատգամավոր Արթուր Սարգսյանի, ՀՅԴ որոշ անդամների բնակավայրերում, կան Քննչական կոմիտե տարված անձինք։
Factor TV-ի տեղեկություններով՝ կոմիտե տարված անձանց մեջ է Աջափնյակի նախկին թաղապետ Թելման Թադևոսյանը, սակայն այս պահին գործով չունի ձերբակալվածի կարգավիճակ։
Թադևոսյանը Աջափնյակի թաղապետ է եղել 2020 թվականին, իսկ 2018-ից եղել է Նուբարաշենի թաղապետ։ Նա Նիկոլ Փաշինյանի նախկին խորհրդական Ֆելիքս Թադևոսյանի որդին է։
Արաքս Մամուլյան
