24.04.2026 | 10:34
Թրամփը հայտնել է, որ Իսրայելն ու Լիբանանը հրադադարը երեք շաբաթով կերկարաձգեն
«Ընդդիմության հեղաշրջման պլան»-ին վերաբերող նյութն ուղարկվել է Քննչական կոմիտե
Հասարակություն
24.06.2025 | 18:28
Գլխավոր դատախազությունը «Civic.am» կայքի կողմից հրապարակված «Ընդդիմության հեղաշրջման պլանը» վերտառությամբ հրապարակումն ուղարկել է Քննչական կոմիտե՝ վարույթ նախաձեռնելու հարցը լուծելու։ Այս մասին Factor TV-ի հետ զրույցում տեղեկացրին գերատեսչությունից։
Հիշեցնենք՝ ժամեր առաջ իշխող ուժի հետ փոխկապակցված կայքը լուսանկարներ էր հրապարակել, որում А4 ֆորմատի մի քանի էջից բաղկացած ցանկ է։ «Մեզ են փոխանցել ընդդիմության հեղաշրջման պլանը, որը իրենից ներկայացնում է գործողությունների փուլային ծրագիր, ռեսուրսների և գործող անձանց հաշվագրում։ Առավել մանրամասն այն կներկայացնենք հաջորդիվ նյութերում»,-ասված է լուսանկարներին ուղեկցող տեքստում։
Այս հղումով կիսվել են իշխող ուժի մի շարք ներկայացուցիչներ նաև վարչապետ Նիկոլ Փաշինյանը և Աննա Հակոբյանը։
Ռոզա Վարդանյան
