09.03.2026 | 10:38
Փեզեշքիանն Ալիևին վստահեցրել է, որ Իրանը կապ չունի Նախիջևանին հարվածի հետ
Ազգային ժողովում կայուն մեծամասնություն գոյություն չունի, ուստի այդ խնդիրը պետք է հաղթահարվի. Գագիկ Հարությունյան. ՏԵՍԱՆՅՈՒԹ
Քաղաքականություն
13.10.2018 | 15:03
Այդ հարցը պետք է քննվի, նոր որոշում կայացվի:
Այսօր՝ հոկտեմբերի 13-ին լրագրողների հետ զրույցում այս մասին ասաց ԲԴԽ նախագահ, ՍԴ նախկին նախագահ Գագիկ Հարությունյանը՝ պատասխանելով հարցին, թե ԱԺ Կանոնակարգ օրենքում արված փոփոխությունները հակասահմանադրական ճանաչելու ի՞նչ հիմքեր կան:
«Եթե նախագահը դիմում է Սահմանադրական դատարան, դատարանը պետք է քննի և որոշի՝ արդյո՞ք սահմանադրականության հետ կապված խնդիրներ կան՝ ըստ ձևի և ըստ բովանդակության: Առանց քննության որևէ մեկը չի կարող ասել, թե ինչ որոշում կկայացվի»,- ասաց Գագիկ Հարությունյանը:
Ինչ վերաբերում է սահմանադրական ճգնաժամին, որի մասին խոսել է նաև վարչապետ Նիկոլ Փաշինյանը. «Սահմանադրական ճգնաժամ հասկացության շուրջ մեկնաբանությունները, իմ կարծիքով, փոքր-ինչ այլ կերպ են ընկալվում, քան կարող էր ընկալվել»:
Գագիկ Հարությունյանի համոզմամբ՝ Ազգային ժողովում այսօր կայուն մեծամասնություն գոյություն չունի, և այս խնդիրը պետք է հաղթահարվի:
«Սահմանադրությունը խնդրի լուծման տարբերակներ ունի: Պետք է առաջնորդվել Սահմանադրությամբ, ոչ թե քաղաքական աղմուկ բարձրացնել»,- նշեց ԲԴԽ նախագահը՝ ներկայացնելով խնդրի լուծման տարբերակները:
Մանրամասները՝ տեսանյութում
