24.06.2026 | 15:10
Ավագանու նիստում ծեծկռտուքի փաստով քրվարույթ է հարուցվել // Արցախի դրոշը կրկին հեռացվել է հրապարակից․ ԼՈՒՐԵՐ
«Տաշիր պիցցա»-ի մի մասնաճյուղի գործունեության կասեցումը վերացվել է․ ՍԱՏՄ
23.06.2025 | 10:16
«ՊԻՑՑԱ ՏԱՇԻՐ» ՍՊԸ-ին պատկանող հանրային սննդի օբյեկտում (ք. Երևան, Էրեբունի 17/1) անցկացրած կրկնակի վերահսկողության ընթացքում ՀՀ սննդամթերքի անվտանգության տեսչական մարմնի սննդամթերքի անվտանգության վարչության տեսուչների կողմից կատարվել է նմուշառում և լաբորատոր կրկնակի փորձաքննությամբ պարզվել, որ «Աղցան կեսար» և «Աղցան մայրաքաղաքային» նմուշները համապատասխանում են ԵԱՏՄ կանոնակարգերով սահմանված նորմերի պահանջներին․ հայտնում են ՍԱՏՄ-ից։
Նշվում է, որ հանրային սննդի օբյեկտի արտադրական գործունեության կասեցումը վերացվել է։
Ավելի տեղեկացրել էինք, որ «Պիցցա Տաշիր» ՍՊԸ-ի մեկ տասնյակից ավելի մասնաճյուղերի գործունեություն է կասեցվել։ Factor.am-ին ՍԱՏՄ-ից պատասխանել էին, որ ստուգումներն սկսել են ընկերության դիմումի հիման վրա, ավելի քան 2 շաբաթ առաջ։
Հիշեցնենք, որ ՍՊԸ-ն պատկանում է գործարար Սամվել Կարապետյանին։ Նրան մեղադրանք է ներկայացվել իշխանությունը զավթելու հրապարակային կոչի հոդվածով։ Կարապետյանը կալանավորվել է: Փաստաբաններն ապօրինի են որակում մեղադրանքը, հայտնում, որ ինքը՝ միլիարդատերը, չի ընդունում մեղադրանքը։
