05.10.2026 | 23:19
Փաշինյանը նոր նշանակումներ է արել
Դեպի Երևան և Երևանից որոշ չվերթներ դարձյալ չեղարկվել են Իրան-Իսրայել հակամարտությամբ պայմանավորված
15.06.2025 | 14:29
Իսրայելի և Իրանի միջև լարվածությամբ պայմանավորված՝ դեպի ՀՀ և Երևանից որոշ չվերթներ դարձյալ չեղարկվել են:
«Զվարթնոց» օդանավակայանի չվացուցակից Factor.am-ը տեղեկանում է, որ հունիսի 15-ին չեղարկվել են AirArabia ավիաընկերության Երևանից դեպի Շարժա և Աբու Դաբի ու հակառակ ուղղություններով չվերթները։
Չեղարկվել են նաև Armenian airways-ի Երևան-Թեհրան-Երևան, ինչպես նաև Fly Dubai-ի Երևանից դեպի Դուբայ և հակառակ ուղղությամբ չվերթները։
Ըստ Flightradar24 կայքի տվյալների` Իսրայելի, Իրանի և Իրաքի տարածքում օդանավեր չեն թռչում։
Հունիսի 13-ին ՀՀ ազգային անվտանգության ծառայությունը հայտնել էր, որ հայերը հայտնվել են Բաքվի օդանավակայանում, ադրբեջանցիները` Զվարթնոցում։
Դեռևս հայտնի չէ` հաջողվե՞լ է, արդյոք, նրանց փոխադարձ տեղափոխությունը։
Հիշեցնենք, որ Իսրայելը հունիսի 13-ի վաղ առավոտից հարվածներ էր հասցրել Իրանի տարածքին՝ թիրախավորելով Իրանի ռազմական և միջուկային օբյեկտները։ Ավելի ուշ Իրանը պատասխանել էր՝ Իսրայելի ուղղությամբ հրթիռային հարվածների ալիքներ հասցնելով։ Կողմերը շարունակում են փոխադարձ հարվածներ հասցնել միմյանց։
Անի Թամրազյան
