24.06.2026 | 17:49
ՀԱՊԿ-ից հայտարարել են, որ մանրակրկիտ կքննարկեն Հայաստանի անդամակցության հարցը
Նիկոլ Փաշինյանը հեռախոսազրույց է ունեցել Վլադիմիր Պուտինի հետ
Քաղաքականություն
01.06.2025 | 12:24
Տեղի է ունեցել վարչապետ Նիկոլ Փաշինյանի հեռախոսազրույցը ՌԴ նախագահ Վլադիմիր Պուտինի հետ։ Այս մասին հայտնում են վարչապետի աշխատակազմից։
«ՌԴ նախագահը շնորհավորել է ՀՀ վարչապետին ծննդյան 50–րդ տարեդարձի առիթով և իր բարեմաղթանքները հղել։
ՀՀ վարչապետը ՌԴ նախագահին շնորհակալություն է հայտնել զանգի և բարեմաղթանքների համար։ Հեռախոսազրույցի ընթացքում քննարկվել են նաև երկկողմ հարաբերություններին և տարածաշրջանային զարգացումներին վերաբերվող հարցեր»,-նշվում է հաղորդագրության մեջ։
Ավելի վաղ Պուտինը նաև ուղերձ էր հղել Փաշինյանի ծննդյան տարեդարձի առթիվ․ «Ընդունեք իմ անկեղծ շնորհավորանքները Ձեր ծննդյան 50-ամյակի կապակցությամբ։
Ռուսաստանը և Հայաստանը պատմականորեն բարեկամական հարաբերություններ են ունեցել. վստահ եմ, որ համատեղ ջանքերով մենք կարող ենք ապահովել այդ հարաբերությունների հետագա զարգացումը բոլոր ոլորտներում։ Սա, անկասկած, համապատասխանում է մեր ժողովուրդների հիմնարար շահերին և համահունչ է եվրասիական տարածքում կայունության, անվտանգության և բարգավաճման ամրապնդմանը։
Մաղթում եմ Ձեզ քաջառողջություն, երջանկություն և հաջողություններ Ձեր հասարակական գործունեության մեջ»։
