Քաղաքականություն
30.05.2025 | 15:16
ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը մայիսի 30-ին ընդունել է Կոնրադ Ադենաուեր հիմնադրամի «Քաղաքական երկխոսություն. Հարավային Կովկաս» տարածաշրջանային ծրագրի տնօրեն Յակոբ Վյոլենշտայնին:
Հ ԱԺ-ից փոխանցում են, որ հանդիպմանը քննարկվել են տարածաշրջանային հարցեր: Սարգիս Խանդանյանը խոսել է Հայաստան-Ադրբեջան խաղաղության պայմանագրի կնքման շուրջ բանակցություններից, ներկայացրել ՀՀ կառավարության հեղինակած «Խաղաղության խաչմերուկ» նախագիծը:
«Զրուցակիցները քննարկել են ՀՀ-Գերմանիա, ՀՀ-ԵՄ համագործակցության ընդլայնմանը վերաբերող հարցեր, կարեւորվել է ՀՀ քաղաքացիների համար Եվրամիության վիզաների ազատականացման հարցում Գերմանիայի աջակցությունը:
Հանդիպմանը նաեւ մասնակցել է հիմնադրամի երեւանյան գրասենյակի ղեկավար Լիանա Մարուքյանը»,- ասված է հաղորդագրությունում։
