16.07.2026 | 17:02
Ուկրաինայի հեռացող ՊՆ ղեկավարը խոստովանել է ԶՈւ գլխավոր հրամանատարի հետ կոնֆլիկտի առկայությունը
Բուլղարացի լրագրողի սպանությունը բացահայտվել է. կասկածյալին Գերմանիայում ձերբակալել են
Հասարակություն
10.10.2018 | 13:36
Բուլղարիայի ոստիկանությունը բացահայտել է TVN հեռուստաընկերության վարչական տնօրեն, լրագրող Վիկտորիա Մարինովայի սպանությունը. փոխանցում է tass.ru-ն:
Հետաքննող լրագրողի մարմինը, հիշեցնենք, հայտնաբերվել էր Ռուսե քաղաքի զբոսայգիներից մեկում: Այս մասին հայտարարել է Բուլղարիայի ՆԳ նախարար Մլադեն Մարինովը:
Հանցագործության մեջ կասկածվողին ձերբակալել են Գերմանիայում: «Օպերատիվ գործողությունների արդյունքում Գերմանիայում ձերբակալվել է 1997 թվականին ծնված տղամարդ՝ Սևերին Կրասիմիրովը: Բավականաչափ նյութական ապացույցներ կան, այդ թվում՝ մասամբ պատրաստ են ԴՆԹ անալիզի տվյալները, որոնք թույլ են տալիս պնդել, որ հենց նա է կատարել հանցագործությունը»,- ասել է Մարինովը:
Նախարարը նաև նշել է, թե առայժմ չեն կարող ասել, որ սպանությունը կախված է լրագրողուհու մասնագիտական գործունեության հետ, սակայն այս պահին չեն հրաժարվում հանցագործության որևէ վարկածից: «Հետաքննությունը շարունակվում է: Մենք հարցում ենք նախապատրաստում՝ ձերբակալվածին Բուլղարիա արտահանձնելու համար: Ապացույցները վկայում են սեքսուալ շարժառիթով հարձակման մասին»,- ասել է ՆԳ նախարարը:
Հիշեցնենք, որ 30-ամյա Վիկտորիա Մարինովայի մարմինը հայտնաբերել էին Ռուսե քաղաքում. նրան ծեծել ու բռնաբարել են: Քրեագետների տվյալներով՝ հանցագործը հարվածել է կնոջ գլխին և խեղդամահ արել:
