19.12.2025 | 16:49
Ինձ չեն ստիպել, ես եմ դիմում գրել, դուրս եկել. Աղազարյանի որդին՝ ՔՊ-ից և աշխատանքից դուրս գալու մասին․ ՏԵՍԱՆՅՈՒԹ
Նախընտրական շրջանը թեժ էր, բայց մենք հիմա 65 անդամներով մեկ թիմ ենք. Հայկ Մարության. ՏԵՍԱՆՅՈՒԹ
Քաղաքականություն
10.10.2018 | 12:40
Նախընտրական շրջանը թեժ էր, բայց մենք հիմա 65 անդամներով մեկ թիմ ենք: Այս մասին այսօր՝ հոկտեմբերի 10-ին հրավիրված Երևանի նորընտիր ավագանու առաջին նիստից հետո լրագրողների հետ զրույցում ասաց Հայկ Մարությանը: «Մենք եկել ենք ծառայության: Վստահեցնում եմ՝ չեմ նստելու կաբինետում, վազվզելու եմ ամբողջ օրը, ծանոթանալու եմ աշխատանքներին»,- ասաց նա:
Պատասխանելով քաղաքապետարանում հնարավոր կադրային ջարդի մասին հարցին՝ Մարությանը վստահեցրեց, որ բոլոր նրանք, այն պրոֆեսիոնալները, որոնք ուզում են աշխատել նոր Հայաստանի կանոններով, կաշխատեն: «Բոլոր այն մարդիկ, այն պրոֆեսիոնալները, որոնք ուզում են աշխատել նոր Հայաստանի կանոններով և պատրաստ են աշխատել նոր Հայաստանի կանոններով, պատրաստ են ծառայել Երևանի բնակիչներին, կարող են իրենց ծառայությունները մատուցել: Ես բոլոր կադրային փոփոխությունների մասին կհայտարարեմ»,- հավելեց Հայկ Մարությանը:
Ինչ վերաբերում է Երևանի քաղաքապետի պաշտոնում առաջին քայլերին. Հայկ Մարությանը պատրաստվում է սկսել քաղաքային տնտեսությունում առկա խնդիրներից: «Առաջին քայլերը լինելու են՝ կապված քաղաքային տնտեսության հետ: Նախ՝ մենք առաջնահերթ պետք է լուծենք աղբահանության հարցը, և քայլ առ քայլ մնացած հարցերը, որ ներկայացրել ենք մեր նախընտրական ծրագրում»,- վստահեցրեց Հայկ Մարությանը:
Մանրամասները՝ տեսանյութում
