11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Տրանսպորտի հարցերով զբաղվողները պետք է տրանսպորտով երթևեկեն. ավագանու ԲՀԿ-ական անդամները կհրաժարվեն խմբակցության ծառայողական մեքենայից
Տնտեսություն
09.10.2018 | 13:19
Տրանսպորտի հարցերով զբաղվող անձինք պետք է տրանսպորտով երթևեկեն: Լրագրողների հետ այսօր՝ հոկտեմբերի 9-ին, տեղի ունեցած հանդիպմանն այս մասին նշեց Երևանի նորընտիր ավագանու ԲՀԿ-ական անդամ Արման Աբովյանը:
Նա հայտնեց, որ հրաժարվելու են ծառայողական մեքենայից՝ գործընկերներին կոչ անելով հետևել իրենց օրինակին: Արման Աբովյանը նշեց, որ ներկայացված են լինելու բոլոր հանձնաժողովներում, աշխատանք են տանելու՝ առկա խնդիրներին ամենաարդյունավետ լուծումները տալու համար: Այդ նպատակով ԲՀԿ-ականները նաև համագործակցելու են ավագանու մյուս խմբակցություններից գործընկերների հետ:
«Մենք իրար թշնամի չենք։ Այս գործընթացի մեջ մենք ներգրավվել ենք, որպեսզի Երևանի խնդիրները լուծվեն։ Դրա հետ մեկտեղ՝ մենք երբեք մեզ թույլ չենք տա հնազանդ համաձայնել ամեն ինչի հետ, և մեզ թույլ չենք տա նաև կատաղի ընդդիմանալ ամեն ինչին։ Իսկ թե ինչպես կստացվի համագործակցությունը, ցույց կտա ժամանակը։ Մեր տրամադրվածությունը շատ դրական է»,- ասաց Արման Աբովյանը։
Իսկ երևանցիներին ավագանու անդամը հորդորել է բոլոր խնդիրների դեպքում դիմել իրենց։
