25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Թրամփն ու Մակրոնը՝ Կիևին արված Պուտինի առաջարկի մասին․ «Ելք է փնտրում և ցանկանում է ժամանակ շահել»
Քաղաքականություն
11.05.2025 | 11:34
ԱՄՆ նախագահ Դոնալդ Թրամփը ողջունել է Ռուսաստանի նախագահ Վլադիմիր Պուտինի՝ Կիևի հետ ուղիղ բանակցությունները վերսկսելու առաջարկը։
Հիշեցնենք՝ Պուտինն առաջարկել է Ուկրաինային մայիսի 15-ին Ստամբուլում առանց նախապայմանների ուղիղ բանակցություններ անցկացնել պատերազմը դադարեցնելու վերաբերյալ։
«Սա կարող է հիանալի օր լինել Ռուսաստանի և Ուկրաինայի համար: Մտածեք հարյուր հազարավոր կյանքերի մասին, որոնք կփրկվեն, երբ այս անվերջանալի «սպանդը» ավարտվի», – գրել է Թրամփը Truth Social-ում:
Ամերիկացի առաջնորդի խոսքով՝ ինքը «կշարունակի աշխատել հակամարտության երկու կողմերի հետ՝ ապահովելու համար, որ բանակցությունները տեղի ունենան»։
Մինչդեռ Ֆրանսիայի նախագահ Էմանուել Մակրոնը Ռուսաստանի և Ուկրաինայի միջև ուղիղ բանակցությունների վերաբերյալ Պուտինի առաջարկը որակել է «առաջին, բայց անբավարար քայլ», փոխանցում է France 24-ն։
Մակրոնը նաև նշել է, որ Պուտինը «ելք է փնտրում և ցանկանում է ժամանակ շահել» և ընդգծել, որ «անվերապահ զինադադարին չպետք է նախորդեն բանակցությունները»։
Մայիսի 10-ին լրագրողների հետ իր հանդիպման ժամանակ Վլադիմիր Պուտինը նաև մեղադրել է Կիևին էներգետիկ օբյեկտների դեմ հարվածների 30-օրյա մորատորիումը խախտելու համար, որը ուժի մեջ էր 2025 թվականի մարտ և ապրիլ ամիսներին։ Ավելի վաղ ուկրաինական կողմը նույնպես մեղադրել էր Ռուսաստանի զինված ուժերին ապրիլի վերջին 30 ժամ գործող Զատկի զինադադարը խախտելու համար։ Միևնույն ժամանակ, Վլադիմիր Զելենսկին առաջարկել է 30-օրյա մորատորիում մտցնել քաղաքացիական ենթակառուցվածքների վրա հեռահար անօդաչու թռչող սարքերի և հրթիռների հարվածների վրա։
