08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Երևանում բացվեց նոր արհեստական խաղադաշտ. Հայաստանը ՖԻՖԱ-ի նախաձեռնության առաջին շահառուներից է
09.05.2025 | 13:23
Երևանի Նոր Նորք վարչական շրջանի 9-րդ զանգվածում գտնվող թիվ 198 ավագ դպրոցի տարածքում մայիսի 8-ին տեղի է ունեցել արհեստական խոտածածկով փոքր խաղադաշտի պաշտոնական բացման հանդիսավոր արարողությունը:
Ինչպես հաղորդում է Հայաստանի ֆուտբոլի ֆեդերացիայի մամուլի ծառայությունը, միջոցառմանը մասնակցում էին ՀՖՖ նախագահ Արմեն Մելիքբեկյանը, ՖԻՖԱ-ի անդամ եվրոպական ասոցացիաների համակարգող Մարկո Ֆերին, ինչպես նաև ՖԻՖԱ-ի դեսպան Քրիստիան Կարամբյոն:
Նշենք, որ նոր խաղադաշտը կառուցվել է ՖԻՖԱ-ի «ՖԻՖԱ Արենա» ծրագրի շրջանակում, որի նպատակն է ամբողջ աշխարհում շահագործել նմանատիպ 1000 խաղադաշտ: Հայաստանը դարձել է այս գլոբալ նախաձեռնության առաջին շահառուներից մեկը:
