18.02.2026 | 14:44
Իրանի և Ռուսաստանի ռազմածովային ուժերը վաղը համատեղ զորավարժություններ կանցկացնեն
Մոսկովյան օդանավակայաններում մարդիկ 1 օրից ավելի սպասում են իրենց չվերթներին․ Մոսկվա-Բաքու չվերթը վեց անգամ հետաձգվել է․ ՏԵՍԱՆՅՈՒԹ
Քաղաքականություն
08.05.2025 | 11:51
ՌԴ մայրաքաղաք Մոսկվայի օդանավակայանները վերսկսել են աշխատանքը անօդաչու թռչող սարքերի հարձակումների պատճառով զանգվածային սահմանափակումներից հետո։ Ռոսավիացիայի համաձայն՝ այլընտրանքային օդանավակայաններ ուղարկված ինքնաթիռների 89%-ը կարողացել է վայրէջք կատարել իրենց նշանակման վայրերում։
Այնուամենայնիվ, բազմաթիվ ուղևորներ շարունակում են մնալ անորոշության մեջ օդանավակայաններում։ Չվերթները զանգվածային հետաձգվում են կամ ընդհանրապես չեղարկվում։ Որոշ ուղևորներ իրենց չվերթին սպասում են ավելի քան մեկ օր:
Mash-ը գրում է, որ որոշ մարդիկ իրենց չվերթին սպասում են ավելի քան 33 ժամ։ Վերջին տվյալներով՝ «Շերեմետևո» օդանավակայանում չեղարկվել է 10 չվերթ՝ Աստրախան, Բելգրադ, Կազան, Սամարա, Օրենբուրգ, Ուֆա, Չելյաբինսկ, Մուրմանսկ, Պերմ, Մինսկ ուղղություններով։ «Վնուկովո»-ում 12 չվերթ է հետաձգվել դեպի Չելյաբինսկ, Բուխարա, Դուբայ, Հուրգադա, Բոդրում և այլ ուղղություններով։ Թուրքիա մեկնող ևս 12 չվերթ ընդհանրապես չեղարկվել է։
«Դոմոդեդովո»-ում էլ որոշ մարդիկ չեն կարողանում թռչել 33 ժամից ավելի։ Մարդիկ քնում են օդանավակայաններում, նրանք բողոքում են տեղեկատվության, հյուրանոցների և այլնի պակասից:
Ուղևորները SHOT-ին պատմել են, որ «Ադրբեջանական ավիաուղիներ»-ի (AZAL) Մոսկվա-Բաքու չվերթն արդեն վեց անգամ հետաձգվել է։
«Մարդիկ գիշերն անցկացնում են հատակին պառկած կամ սրճարաններում՝ աթոռների վրա։ Ոմանք սպասում են 24 ժամ, որոշ ավիաընկերություններ չեն տրամադրում վաուչերներ, իսկ եթե տրամադրում են, ապա շատ փոքր գումարի»,- ասել է ուղևորներից մեկը։
Հավելենք, որ նախօրեին Մոսկվայի և Ռուսաստանի այլ շրջանների ուղղությամբ ուկրաինական անօդաչու թռչող սարքերի հարձակման հետևանքով ռուսական օդանավակայանների աշխատանքում զանգվածային խափանում էր գրանցվել, որի պատճառով տուժել էր առնվազն 60,000 ուղևոր։
Թարգմանությունը՝ Էմմա Չոբանյանի
