26.08.2026 | 23:14
Հայաստանից աշակերտները կշարունակեն սովորել Թուրքիայի հայկական դպրոցներում․ նոր կարգավորումներ չկան
Ձերբակալված ոստիկանները կասկածվում են ծեծկռտուքի դեպքը թաքցնելու մեջ
Հասարակություն
07.05.2025 | 12:59
Վաղարշապատի բաժնի ձերբակալված ոստիկանների մեջ կա բարձր կոչումով ոստիկան։ Այս մասին հայտնում են իրավապահ համակարգում Factor TV-ի աղբյուրները։ Թե կոնկրետ ովքեր են ձերբակալված, այս պահին մեզ հայտնի չէ։
Ըստ Քննչական կոմիտեում քննվող գործի՝ ձերբակալված անձինք հանցագործության դեպք են թաքցրել։ Խոսքը ծեծկռտուքի մասին է։
Հիշեցնենք, որ Հակակոռուպցիոն կոմիտեն այսօր առավոտյան ձերբակալել է ՆԳՆ ոստիկանության Վաղարշապատի բաժնի 9 ոստիկանի։ ՆԳՆ հանրային հաղորդակցության և իրազեկման վարչության պետ Նարեկ Սարգսյանը Factor TV-ի հետ զրույցում հայտնել է, որ ՆԳՆ ներքին անվտանգության և հակակոռուպցիոն վարչության կողմից իրականացված ուսումնասիրության հիման վրա Ոստիկանությունը հաղորդում է ուղարկել Հակոկռուպցիոն կոմիտե։ Հակակոռուպցիոն կոմիտեից Factor TV-ի հարցին ի պատասխան հայտնել են, որ միջոցառումն իրականացվել է իրենց մոտ քննվող քրեական վարույթի շրջանակում։ Կոմիտեից նաև հաստատել են, որ ոստիկանության աշխատակիցները ձերբակալվել են հանցագործության դեպք թաքցնելու և այդ կապակցությամբ պաշտոնեական կեղծիք կատարելու մեղադրանքներով։
Արաքս Մամուլյան
