18.02.2026 | 21:00
ՀՀ-ում ԱԲ կենտրոնի ստեղծումը լուրջ քայլ է․ աշխարհին կարող ենք գրավել ՏՏ-ում խելացի լուծումներով. Հովիկ Մուսայելյան. ՏԵՍԱՆՅՈՒԹ
Իսրայելում անտառային հրդեհներ են մոլեգնում․ տուժածներ կան. ՏԵՍԱՆՅՈՒԹ
Քաղաքականություն
30.04.2025 | 21:08
Երուսաղեմի ծայրամասերում անտառային հրդեհներ են բռնկվել, որոնք ստիպել են բնակիչներին տարհանվել և փակել գլխավոր մայրուղին։ Իսրայելը դիմել է միջազգային օգնության՝ հրդեհի դեմ պայքարելու համար, գրում է Reuters-ը։
Հրապարակված կադրերում երևում են Երուսաղեմ-Թել Ավիվ մայրուղու երկայնքով բռնկված հրդեհները, մարդիկ լքում են մեքենաները և փախչում կրակից, շրջակա բլուրներից խիտ ծուխ է բարձրանում։
Իսրայելի վարչապետ Բենիամին Նեթանյահուն հայտարարել է, որ Իտալիայից և Խորվաթիայից սպասվում է երեք հրշեջ ինքնաթիռ`հրդեհները մարելուն օգնելու համար։ Իսրայելը նաև կապ է հաստատել Հունաստանի, Կիպրոսի և Բուլղարիայի հետ, հայտնել է երկրի ԱԳՆ-ն։
Իսրայելական լրատվամիջոցները հաղորդում են, որ 120 հրշեջ-փրկարարական ծառայություններ մոբիլիզացրել են տասնյակ անձնակազմեր, ինքնաթիռներ և ուղղաթիռներ՝ հրդեհները տեղայնացնելու համար, իսկ զինվորականները հայտարարել են գործողությանն օգնելու մասին։
Ոստիկանությունը հայտնել է, որ երեք համայնքներ տարհանվել են, առնվազն 13 մարդ վիրավորվել է։ Զոհերի մասին տեղեկություններ չկան։
Հրդեհը բռնկվել է Իսրայելի զոհված զինվորների հիշատակի օրը, բացի այդ, Անկախության օրվան նվիրված բազմաթիվ արարողություններ չեղարկվել են, այդ թվում՝ Երուսաղեմում կայանալիք գլխավոր պետական միջոցառումը։
Թարգմանությունը՝ Էմմա Չոբանյանի
