18.02.2026 | 22:39
ՀՀ դեսպանը Վիեննայում ներկայացրել է Հայաստանի խաղաղության օրակարգը
Հայկական կոնյակը մինչ ՌԴ արտահանվելը Վրաստանում շուրջ 15 օր ստուգման է ենթարկվում
Քաղաքականություն
29.04.2025 | 19:07
Factor.am-ի խմբագրություն են ահազանգել Հայաստանից Ռուսաստան կոյնակ արտահանող բեռնատարների վարորդները և հայտնել, որ Վրաստանի տարածքով տեղափոխումը անխոչընդոտ կազմակերպել չի հաջողվում։
Մասնավորապես, բեռնատարի վարորդներից մեկը փոխանցեց, որ ինքն արդեն ութ օր է՝ սպասում է, քանի որ վրացական կողմը նմուշներ է վերցրել հայկական կոնյակներից և ուսումնասիրություններ է սկսել։ Նույն վարորդը հայտնեց, որ նախորդ անգամ ստիպված է եղել ստուգումների համար 15 օր սպասել։
ՀՀ Էկոնոմիկայի նախարարությունից Factor.am-ին փոխանցեցին, որ տեղյակ են տնտեսվարողների կողմից բարձրաձայնվող հարցի վերաբերյալ։
«Այն գտնվում է մեր ուշադրության կենտրոնում, ավելին՝ ամենօրյա ինտենսիվ աշխատանքներ են տարվում հարցի համակարգային լուծման ուղղությամբ։ Նշեմ, որ նախկինում համանման խնդրով նախարարությանն էին դիմել նաև ծաղիկ արտահանողները, և նախարարության գործուն ջանքերի շնորհիվ խնդիրը կարգավորվել է»,-ասաց նախարարության մամուլի խոսնակ Լիլիթ Շաբոյանը։
Նարեկ Կիրակոսյան
