24.04.2026 | 23:32
Կապանում ջրանջատում կլինի
Սասուն Միքայելյանի հետ պայմանավորվածություն ունենք, որ ԵԿՄ-ն այս իրավիճակից դուրս գա միասնական և ուժեղացած. Արամ Սարգսյան. ՏԵՍԱՆՅՈՒԹ
Քաղաքականություն
05.10.2018 | 20:02
Այն, ինչի մասին խոսում էր Գագիկ Ծառուկյանը երեկ տված հարցազրույցում, բացարձակ անկեղծ էր: Factor.am-ի հետ զրույցում համոզմունք հայտնեց ԱԺ «Ելք» խմբակցության պատգամավոր, «Հանրապետություն» կուսակցության առաջնորդ Արամ Սարգսյանը:
Հիշեցնենք՝ «Ծառուկյան» խմբակցության ղեկավարը վստահեցրեց՝ իրենք դեմ չեն, որ արտահերթ խորհրդարանական ընտրությունները տեղի ունենան դեկտեմբերին. «Եթե ժողովուրդն ուզում է, որ արտահերթ խորհրդարանական ընտրությունները տեղի ունենան դեկտեմբերին, մենք էլ ենք ուզում»:
«Ինքն այսօր ԱԺ-ում ներկայացված երկրորդ քաղաքական ուժի առաջնորդն է և կարծում եմ, որ իր թիմում շատ կան մարդիկ, որոնք ունակ են իր տեսակետները մեկնաբանելու: Չէի ուզի մեկնաբանել իր ցանկացած ասած միտք, որովհետև դա իրենց խնդիրն է»,- նշեց Արամ Սարգսյանը:
Ըստ «Ելք» խմբակցության պատգամավորի՝ Ազգային ժողովում մշտական աշխատանքը թույլ է տալիս ավելի իրազեկ լինել տեղի ունեցող իրադարձությունների վերաբերյալ:
«Գագիկ Ծառուկյանը չի մասնակցում ԱԺ նիստերին, հազվադեպ է գալիս և շատ խնդիրների վերաբերյալ խորհրդարանից դուրս կարծիք ունի, որը որոշ դեպքերում դրական է, որոշ դեպքերում՝ բացասական»,- շարունակեց մեր զրուցակիցը:
Հարցազրույցի ընթացքում Արամ Սարգսյանն անդրադարձավ նաև արտահերթ ընտրություններում իրենց հավակնություններին, ինչպես նաև ԵԿՄ ղեկավարի պաշտոնը ստանձնելու հեռանկարին:
Հարցազրույցն ամբողջությամբ՝ տեսանյութում:
Շողիկ Գալստյան
