28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Նախարար Հակոբ Արշակյանը կարևորել է ԵՏՄ ծրագրերում Հայաստանի ինտեգրման անհրաժեշտությունը
Քաղաքականություն
05.10.2018 | 17:19
ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանն ընդունել է Եվրասիական տնտեսական միության (ԵՏՄ) ներքին շուկաների, տեղեկատվայնացման, տեղեկատվական-հեռահաղորդակցական տեխնոլոգիաների կոլեգիայի անդամ, նախարար Կարինե Մինասյանի գլխավորած պատվիրակությանը։
Ողջունելով ներկաներին՝ Հակոբ Արշակյանն ընդգծել է Եվրասիական Տնտեսական Միության (ԵԱշՏՄ) շրջանակներում իրականացվող տարածաշրջանային ծրագրերում Հայաստանի ինտեգրման անհրաժեշտությունը՝ առանձնակի կարևորելով ԵՏՄ ֆորումի անցկացումը Հայաստանում։
Անդրադառնալով ԵՏՄ շրջանակներում իրականացվող գործընթացներում մեր երկրի մասնակցությանը՝ Կարինե Մինասյանը դրանցում առանձնացրել է երեք հիմնական նպատակ՝ նախ Հայաստանը ներկայացված լինի ԵՏՄ ծրագրերում, ապա ներգրավված լինի նախագծերում և, վերջապես, սեփական ծրագրերը ներկայացնի։
Հանդիպման ընթացքում ներկայացվել են այս երեք հայեցակարգերի հետ կապված մի շարք մանրամասներ, քննարկվել և ճշգրտվել են ԵՏՄ ծրագրերում մեր կազմակերպությունների մասնակցության հետ կապված հարցեր:
Պայմանավորվածություն է ձեռք բերվել ԵՏՄ ծրագրերն ավելի խորությամբ ուսումնասիրելուց հետո առաջիկայում քննարկել դրանցում հայկական կազմակերպությունների ներգրավման հնարավոր տարբերակները։
