16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
5-րդ շարասյուն ասելով նկատի ունեմ խորհրդարանի հայտնի եռյակին, որը վերջին օրերին տեսանք՝ ինչ դավեր նյութեց․ Գարեգին Չուգասզյան․ ՏԵՍԱՆՅՈՒԹ
Քաղաքականություն
05.10.2018 | 13:39
«Սասնա Ծռեր» կուսակցության անդամ Գարեգին Չուգասզյանն այն համոզմանն է, որ վերջին շրջանում հրապարակ է նետվել մի թեզ, ըստ որի, միակուսակցականության առաջը, որպես երկրորդ բևեռ, կարող է առնել միայն օլիգարխան։
Այս մասին այսօր հրավիրված մամուլի ասուլիսի ժամանակ ասաց Չուգասզյանը նշելով․ «Սա մեծագույն նենգություն է, որովհետև այդ օլիգարխիան 5-րդ շարասյունն է, որն այս տարիներին կեղեքել և թալանել է այս երկիրը։ Իրենց հետ բանակցելու փոխարեն, նրանց պետք է դիտարկել որպես հանցագործներ։ Մեր դիրքորոշումն այս հարցում շատ հստակ է՝ նոր խորհրդարանից օլիգարխիկ ուժերը պետք է դուրս մնան, որովհետև ՀՀ-ն պետք է իր ձեռքերն ազատի այդ քաղաքական ուժերից։ 5-րդ շարասյուն ասելով ես նկատի ունեմ այն եռյակը, որոնք տեսանք, թե ինչ դավադրություն էին կազմակերպել օրեր առաջ»,- ասաց նա։
Վերջինս նշեց, որ խորհրդարանում որպես երկրորդ բևեռ տեսնում է հենց «Սասնա ծռեր» կուսակցությանը։ Հարցին՝ որ քաղաքական ուժերի հետ են պատրաստվում համագործակցել, Չուգասզյանը պատասխանեց․ «Քաղաքական դաշտը նոր է ձևավորվում և հետևաբար որոշ ժամանակ անց նոր կերևա, թե ի՞նչ ձևաչաձով կաշխատենք, բայց մտադիր ենք համագործակցել հասարակության տարբեր խավերի հետ»։
Մանրամասները՝ տեսանյութում։
