06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Մենք պառակտված ենք ու դրան նպաստում է վարչապետը. «տամ պատերին, քցեմ ոտքերի տակ»մակարդակի ենք. Եղիշե Պետրոսյան. ՏԵՍԱՆՅՈՒԹ
Քաղաքականություն
05.04.2025 | 19:00
«Ավագանու վերջին ընտրությունները ցույց տվեցին, որ Գյումրին հետ գնաց, դեգրադացվեց, դարձավ Լենինական, հետո էլ երևի դեպի Ալեքսանդրապոլ կգնա: Հասարակությունն անպատասխանատու եղավ` այդքան ձայն տալով կրիմինալ պատմություններով հայտնի թեկնածուին, բայց, այն, որ ՔՊ-ն էլ շատ ձայներ ստացավ, դա էլ էր զավեշտ…Գզվրտոց էր գնում մսի համար, երբ պետականության խալին են մեր ոտքի տակից քաշում: Անդունդի հատակին ենք մոտեցել»,- Factor TV-ի հետ զրույցում նշում է երաժիշտ, երգահան Եղիշե Պետրոսյանը:
Նրա խոսքով` մենք չափազանց պառակտված հասարակություն ենք և դրան նպաստում է ինքը` վարչապետ Նիկոլ Փաշինյանը. «Նա է ասում` «տամ պատերին, գցեմ ոտքերի տակ»… այս մակարդակին ենք: Փաշինյանը ստում է`Հայաստանի բրենդը ոչ թե ժողովրդավարությունն է, այլ զոռբայությունն ու անպատասխանատվությունը»:
Եղիշե Պետրոսյանը խոսում է նաև վերջին 30 տարում ձևավորված մեր մտավորական խավի մասին. «Մեզանում ձևավորվեց «վեցնոցների» մտավորականություն` կրիայի պես քաշված պատյանների մեջ: Մարդիկ դարձան կախյալ, ազնիվ մտավորականները սկսեցին ծառայել երրորդ դասարանն ավարտած դեպուտատներին, ու դա իր հետքը թողեց»:
Երգահանն անդրադառնում է նաև մեզանում տիրող հանրային տրամադրություններին. «Մեր երկիրը քանդվում է, «բեսեդկաներ»-ում Պուտինի գովքն են անում, ախր ձե՞զ ինչ Պուտինը, ձեզ դիլիմ-դիլիմ են անում»:
Մանրամասները`տեսանյութում:
Աննա Բաբաջանյան
