16.11.2024 | 16:17
Լեռնային շրջաններում ձյուն կտեղա
ՀՅԴ և «Ծառուկյան» դաշինքի նախարարները ու մարզպետները կազատվեն աշխատանքից․ Նիկոլ Փաշինյան
Քաղաքականություն
02.10.2018 | 21:41
Իմ աշխատակազմին հրահանգել եմ պատրաստել ստորագրման ՀՅԴ-ն և «Ծառուկյան» դաշինքը ներկայացնող նախարարներին աշխատանքից ազատելու մասին հրամանագրեր: Այս մասին Բաղրամյան պողոտայում հրավիրած հավաքի ժամանակ հայտարարեց ՀՀ վարչապետ Նիկոլ Փաշինյանը:
«Երեկ և այսօր հապճեպ կերպով ՀՀԿ-ի, «Ծառուկյան» դաշինքի և ՀՅԴ-ի պատգամավորների կողմից ներկայացվել է մի խայտառակ օրինագիծ, որի նպատակը շատ կոնկրետ Հայաստանում հակահեղափոխություն իրականացնելն է, այսինքն՝ արտահերթ խորհրդարանական ընտրությունների ճանապարհը փակելը: Եվ այո՛, այդ նախագծի ընդունումը դավադրություն է Հայաստանի բարձրագույն իշխանության՝ հայ ժողովրդի նկատմամբ: Եվ ես այդ որոշման մասին իմանալով, իմ աշխատակազմին հրահանգել եմ պատրաստել ստորագրման ՀՅԴ-ն և և «Ծառուկյան» դաշինքը ներկայացնող նախարարներին աշխատանքից ազատելու մասին հրամանագրեր»,- հայտարարեց Փաշինյանը:
Վարչապետի խոսքով՝ ՀՅԴ-ից և «Ծառուկյան» դաշինքից նախարարներն ու մարզպետներն աշխատանքից կազատվեն կառավարության առաջիկա նիստում:
