24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Գազայում ՀԱՄԱՍ-ի դեմ բողոքի ցույց է անցկացվել՝ Իսրայելի հետ պատերազմը դադարեցնելու պահանջով․ ՏԵՍԱՆՅՈՒԹ
Քաղաքականություն
26.03.2025 | 15:13
Հարյուրավոր պաղեստինցիներ Գազայի հյուսիսում բողոքի ցույց են անցկացրել, որի ընթացքում ՀԱՄԱՍ-ի դեմ ուղղված կարգախոսներ են հնչեցրել և կոչ արել դադարեցնել պատերազմը Իսրայելի հետ, գրում է France 24-ը։
Ցուցարարները, հիմնականում՝ տղամարդիկ, վանկարկել են «ՀԱՄԱՍ, դո՛ւրս» և «ՀԱՄԱՍ-ն ահաբեկիչներ են»։ Բեյթ Լահիայում ամբոխը հավաքվել է մեկ շաբաթ անց այն բանից հետո, երբ իսրայելական բանակը վերսկսել է Գազայի հատվածի ինտենսիվ ռմբակոծումը շուրջ երկու ամիս տևած զինադադարից հետո:
«Ես չգիտեմ, թե ով է կազմակերպել բողոքի ակցիան։ Ես մասնակցում եմ՝ ժողովրդի անունից ուղերձ հղելու համար. բավակա՛ն է պատերազմել»,- ասել է ցուցարարներից մեկը՝ հավելելով, որ տեսել է «ՀԱՄԱՍ-ի անվտանգության ուժերի քաղաքացիական հագուստով անդամներին, որոնք ցրում են բողոքի ակցիան»։
Մեկ այլ ցուցարար, որը չի ցանկացել անունը հայտնել, ասել է, որ «ժողովուրդը հոգնել է»։
«Եթե Գազայից ՀԱՄԱՍ-ի հեռանալը լուծում է, ինչո՞ւ ՀԱՄԱՍ-ը չի հրաժարվում իշխանությունից՝ ժողովրդին պաշտպանելու համար»,- նշել է նա։
Լրատվամիջոցը գրում է, որ երեքշաբթի երեկոյան անհայտ աղբյուրներից Տելեգրամում կրկին հաղորդագրություններ են հայտնվել՝ մարդկանց կոչ անելով կրկնել Գազայի տարբեր հատվածներում տեղի ունեցած ցույցը։
Թարգմանությունը՝ Էմմա Չոբանյանի
https://web.telegram.org/k/#@factoram
