24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Մոսկվայից պնդում են՝ Ռուսաստան-ԱՄՆ բանակցությունների արդյունքների մասին հայտարարությունը չի ընդունվել Կիևի դիրքորոշման պատճառով
Քաղաքականություն
25.03.2025 | 21:41
Սաուդյան Արաբիայի մայրաքաղաք Էր Ռիադում ռուս-ամերիկյան բանակցություններից հետո համատեղ հայտարարություն չի ընդունվել Ուկրաինայի դիրքորոշման պատճառով։ Այս մասին հայտարարել է ՌԴ Դաշնության խորհրդի պաշտպանության և անվտանգության հանձնաժողովի նախագահի առաջին տեղակալ Վլադիմիր Չիժովը։
«Այն, որ նրանք նստել են 12 ժամ և, կարծես, համաձայնության են եկել համատեղ հայտարարության շուրջ, որը, սակայն, չի ընդունվել Ուկրաինայի դիրքորոշման պատճառով, շատ բնորոշ և ախտանշանային է»,- ասել է Չիժովը «Ռոսիա-24» հեռուստաալիքի եթերում։
Նա չի խոսել բանակցությունների կոնկրետ բովանդակության մասին`առաջարկելով սպասել, մինչև դրանց մանրամասները հայտնի դառնան։
«Այն փաստը, որ կայացել է նման երկխոսություն, և դա ռուս-ամերիկյան շփումների շղթայի օղակն է, որի ներկա փուլը սկիզբ է առել երկու երկրների նախագահների հեռախոսազրույցից, կարծում եմ, դրական է»,- հայտարարել է ռուսաստանցի սենատորը։
Թարգմանությունը՝ Էմմա Չոբանյանի
