26.04.2026 | 14:19
Կվերականգնվի 19-րդ դարի «Քարակարմունջ» կամուրջը
Մեկնարկել է «Վեոլիա Ջուր» ընկերության կողմից խմելու ջրի մատակարարման և ջրահեռացման համար սակագների վերանայման գործընթացի մոնիթորինգը
Հասարակություն
02.10.2018 | 17:11
Հոկտեմբերի 1-ին մեկնարկել է ՀՀ ՀԾԿՀ նախագահի 2018թ. սեպտեմբերի 18-ի «Վեոլիա Ջուր» ՓԲԸ-ի կողմից մատուցվող ծառայությունների սակագների ճշգրտման հաշվարկներում ներառվող մանրածախ ջրամատակարարման փաստացի ծավալների մոնիթորինգ իրականացնելու մասին» հրամանով նախատեսված մոնիթորինգը, որի աշխատանքներում, բացի հանձնաժողովի աշխատակազմից, ներգրավված են նաև ՀՀ էներգետիկ ենթակառուցվածքների և բնական պաշարների նախարարության, ջրային կոմիտեի լիազորված անձինք, սպառողների շահերը պաշտպանող կազմակերպությունների ներկայացուցիչներ. տեղեկացնում է ՀՀ հանրային ծառայությունները կարգավորող հանձնաժողովը:
Մոնիթորինգը իրականացվում է «Վեոլիա Ջուր» ընկերության կողմից խմելու ջրի մատակարարման և ջրահեռացման ծառայությունների մատուցման սակագների վերանայման գործընթացի շրջանակներում: Մոնիթորինգի արդյունքում խախտումների արձանագրման դեպքերում՝ կկատարվեն մատուցված ծառայությունների ծավալների վերահաշվարկներ, որոնք իրենց ազդեցությունը կունենան մատուցվող ծառայությունների սակագների ճշգրտման հաշվարկներում ներառվող մանրածախ ջրամատակարարման փաստացի ծավալների վրա:
