09.10.2026 | 10:30
Ալիևը հույս է հայտնել, որ Թրամփը Նոբելյան մրցանակի կարժանանա Հայաստանի ու Ադրբեջանի միջև խաղաղություն հաստատելու ջանքերի համար
Զելենսկին մեկնաբանել է Թրամփի հետ կայացած բանակցությունները
Քաղաքականություն
19.03.2025 | 22:29
Ուկրաինայի նախագահ Վոլոդիմիր Զելենսկին մեկնաբանել է ԱՄՆ նախագահ Դոնալդ Թրամփի հետ կայացած բանակցությունները։
Ուկրաինայի և ԱՄՆ-ի ղեկավարները քննարկել են էներգետիկ և քաղաքացիական ենթակառուցվածքներին հարվածների դադարեցումը:
«Ես աջակցել եմ այդ քայլին», – գրել է Զելենսկին։
Նա նաև հայտարարել է, որ Կիևը համաձայնել է առանց նախապայմանների կրակի ամբողջական դադարեցման մասին ամերիկյան կողմի առաջարկին:
«Մենք կարծում ենք, որ նման քայլերն անհրաժեշտ են, որպեսզի հնարավորություն ստեղծվի հրադադարի ժամանակ համապարփակ խաղաղության համաձայնագրի նախապատրաստման համար»,- հավելել է նա՝ ընդգծելով, որ թիմերին հանձնարարել են լուծել մասնակի հրադադարի իրականացման և ընդլայնման հետ կապված տեխնիկական հարցերը։
Զելենսկին հայտնել է նաև, որ Սաուդյան Արաբիայում ուկրաինացի և ամերիկացի բանակցողները հանդիպում կանցկացնեն:
Իր գրառման մեջ Ուկրաինայի նախագահը երկու անգամ նշել է, որ շնորհակալություն է հայտնել «Թրամփին և ամերիկացի ժողովրդին» Կիևին աջակցելու համար և հույս հայտնել, որ «ամերիկյան ղեկավարության ներքո կայուն խաղաղություն կարող է ձեռք բերվել այս տարի»:
