19.12.2025 | 16:09
Ադրբեջանի Մեջլիսը դատապարտել է Բաքվի դեմ Եվրախորհրդարանի բանաձևը
Ամո՛թ ձեզ․ լեզվակռիվ Արարատ Միրզոյանի և լրագրողների միջև․ ՏԵՍԱՆՅՈՒԹ
Հասարակություն
13.03.2025 | 14:12
Այսօր կառավարության նիստից հետո միջադեպ տեղի ունեցավ Արտաքին գործերի նախարար Արարատ Միրզոյանի և լրագրողների միջև։
Միրզոյանը նիստից հետո մերժեց լրագրողների ճեպազրույցի հրավերը։ Լրագրողներից մեկը ռեպլիկ արեց, թե «միայն թուրք լրագրողների հարցերի՞ն եք պատասխանում», Միրզոյանը հունից դուրս եկավ։
«Ձեր ասածը համարում եմ վերին աստիճանի անդաստիարակ, անշնորհք ու ոչ արհեստավարժ»,- հայտարարեց ԱԳ նախարարը։
Լրագրողն Միրզոյանին արձագանքեց. «Շնորհքը Ձեր արա՞ծն է, որ ձեռքը գրպանը դրած եք պատասխանում»։
Միրզոյանը շարունակեց ամոթանք տալ որոշ լրագրողների, նրանք էլ հակադարձեցին՝ «ամոթը Ձե՛զ»։
«Երբ ձեզնից որևէ մեկն ասում է՝ «մենակ թուրք գործընկերների՞ն եք պատասխանում», ես իրավունք ունեմ ասելու՝ ամո՛թ ձեզ, չափերի մե՛ջ մնացեք»,- հավելեց Միրզոյանն ու հեռացավ։
Մանրամասները՝ տեսանյութում։
