06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
Բողոքի ակցիայի 2 մասնակցի նկատմամբ կիրառվել է բացակայելու արգելք խափանման միջոցը
Հասարակություն
11.03.2025 | 12:05
Մարտի 7-ին Նաիրի Զարյան փողոցում բողոքի ակցիայից հետո երեք ձերբակալվածներից 2-ի նկատմամբ ընտրվել է բացակայելու արգելք խափանման միջոցը։ Այս մասին Factor.am-ի գրավոր հարցմանն ի պատասխան՝ հայտնեց Քննչական կոմիտեի մամուլի խոսնակ Կիմա Ավդալյանը։
Երեկ նրանց կալանավորելու միջնորդություն էր ներկայացվել դատարան։ Այդ խափանման միջոցի միջնորդությունը մերժվել էր և, փաստորեն, ընտրվել է բացակայելու արգելքը։
Հիշեցնենք՝ Նաիրի Զարյան փողոցում մարտի 7-ին բողոքի ակցիա էին իրականացնում Վրացական 6, 4 և Նաիրի Զարյան 15, 15Ա բազմաբնակարան շենքերի բնակիչները: Նրանք փակել էին ճանապարհը՝ պահանջելով դադարեցնել կառուցվող բարձրահարկի շինարությունը։
Ակցիայի ժամանակ միջադեպ էր տեղի ունեցել։ Մեքենաներից մեկը բարձրացել էր մայթի վրա, որպեսզի այդ տարբերակով կարողանա անցնել։ Ակցիայի մասնակիցներից մեկը խփել ու կոտրել էր մեքենայի դիմապակին, հարվածել վարորդին։ Factor TV-ն այդ պահը չի արձանագրել, սակայն ակցիայի մասնակիցը պնդում էր, որ վարորդը մեքենան վարել է իր ուղղությամբ։ Նույն օրը ակցիայի մասնակից երեք քաղաքացի ձերբակալվել էր։
Արփի Հակոբյան
