10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Երևանի Շևչենկոյի անվան թ. 42 ավագ դպրոցի մանկավարժները դասադուլ են հայտարարել՝ տնօրենի հրաժարականի պահանջով. Անահիտ Բախշյան
Հասարակություն
01.10.2018 | 10:39
Կրթության փորձագետ Անահիտ Բախշյանը հայտարարություն է տարածել, որով տեղեկացնում է, որ Երևանի Շևչենկոյի անվան թ.42 ավագ դպրոցի որոշ մանկավարժներ դասադուլ են հայտարարել տնօրենի հրաժարականի պահանջով:
«Երևանի Շևչենկոյի անվան թ.42 ավագ դպրոցի մանկավարժներից Շ. Բաղրամյանը, Ռ.Հովսեփյանն ու Ա. Սարդարյանը, ինչպես նաև դպրոցի 23 մանկավարժներից 9-ը այս պահին տեղեկացրեցին, որ դասադուլ են հայտարարել տնօրենի հրաժարականի պահանջով, ում նկատմամբ առկա է հարուցված քրեական գործ ու նա շարունակում է պաշտոնավարել և բնականաբար խոչընդոտում է քրեական գործի արդարացի քննությանը: Այսօր առավոտյան էլ մանկավարժները պարզել են, որ դպրոցի արհկոմի նախագահն ուրբաթ օրն աշխատանքից ազատման դիմում է ներկայացրել ու ազատվել է աշխատանքից այն բանից հետո, երբ արհկոմի 9 անդամներ ուրբաթ օրը նրան ներկայացրել են դասադուլ սկսելու մասին դիմում: Այս փաստը վերջնականապես լցրել է մանկավարժների համբերության բաժակն ու նրանք սկսել են դասադուլը: Խնդրում եմ լուսաբանել, դպրոցը գտնվում է Մաշտոցի պողոտայի Փակ ուկայի ետևում: Խնդրում եմ ականջալուր լինել մանկավարժների արդարացի պահանջներին»,- գրել է նա:
