Քաղաքականություն
07.03.2025 | 18:37
Ստամբուլի ընդդիմադիր քաղաքապետ Էքրեմ Իմամօղլուն սոցցանցում գրառմամբ պաշտոնապես հայտարարել է երկրի նախագահի պաշտոնում իր թեկնածությունն առաջադրելու մասին։
«Ես այս ճամփորդությունը սկսում եմ նախ՝ թեկնածու դառնալու, ապա նախագահ դառնալու հավակնությամբ: Առողջ բանականության և կոնսենսուսի դեպքում Թուրքիան նորից կբարձրանա, և մենք որպես ազգ կվերադարձնենք մեր միասնությունն ու եղբայրությունը»,- նշել է Իմամօղլուն։
Նա նաև տեղաուղերձ է հղել՝ հայտարարելով․ «Իմ միակ մտահոգությունը, միակ երազանքն այս իշխանությունը քանդած պետական կառուցվածքը, տնտեսությունը, ժողովրդավարությունը, իրավունքը, կրթությունը, առողջապահությունը վերականգնելն է։ Ես ուզում եմ պետությունը դարձնել ժողովրդի շահերի ու անվտանգության պահապան, այլ ոչ թե փոքր էլիտայի ծառայություն։ Մենք կարող ենք դրան հասնել միայն միասին: Մենք կարող ենք փոխել այս կոտրված համակարգը միայն սկզբունքային և առաքինի համերաշխության միջոցով, որտեղ յուրաքանչյուր քայլ որոշվում է ամենալայն կոնսենսուսով»։
Իմամօղլուն ներկուսակցական քարոզարշավ է սկսել։ Համաձայն սոցցանցերում արված գրառումների՝ մարտի 8-ին նա կլինի Իզմիրում և Կայսերիում, իսկ մարտի 9-ին՝ Ադանայում և Անթալիայում:
Հիշեցնենք, որ ավելի վաղ Իմամօղլուն դիմում էր ներկայացրել՝ Ժողովրդահանրապետական կուսակցության (CHP) նախնական ընտրություններում երկրի նախագահի թեկնածու առաջադրվելու համար։
Թարգմանությունը՝ Էմմա Չոբանյանի
