24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Զ. Մնացականյանը Ամերիկայի հրեական կոմիտեի ներկայացուցիչների հետ քննարկել է միջազգային հետաքրքրության մի շարք հարցեր
27.09.2018 | 22:36
Սեպտեմբերի 27-ին ՀՀ արտաքին գործերի նախարար Զոհրաբ Մնացականյանը Նյու Յորքում հանդիպել է Ամերիկայի հրեական կոմիտեի ներկայացուցիչների հետ։ Այս մասին հայտնում են ԱԳՆ լրատվության և հանրային դիվանագիտության վարչությունից:
Զրուցակիցները մտքեր են փոխանակել հայ-իսրայելական հարաբերությունների շուրջ՝ շեշտելով դրանց զարգացման համար առկա մեծ ներուժը:
Նրանք անդրադարձել են Միացյալ Նահանգների հայկական և հրեական համայնքների միջև առկա համագործակցությանը և դրանց հեռանկարներին։ Քննարկվել են միջազգային հետաքրքրություն ներկայացնող մի շարք հարցեր։
ԱԳ նախարարը զրուցակիցներին ներկայացրել է Հայաստանում տեղի ունեցած ժողովրդավարական զարգացումները։ Նա անդրադարձել է ցեղասպանությունների և մարդկության դեմ հանցագործությունների կանխարգելման միջազգային օրակարգի առաջմղման գործում Հայաստանի շարունակական նախաձեռնություններին։
