Ինչու է դպրոցների գրադարանների կառավարումը, հաշվապահության և գնումների գործընթացն արտապատվիրակվում մասնավորին․ ԿԳՄՍՆ-ի պարզաբանումը

Լուրեր

18.11.2026 | 13:00
Ինչու Ալեն Սիմոնյանը չի մասնակցել ՔՊ վարչության հերթական նիստին
18.11.2026 | 12:58
Իրանը հարվածներ է հասցրել Քուվեյթում և Բահրեյնում ԱՄՆ ռազմաբազաներին
18.11.2026 | 12:50
Փաշինյանը ուղերձով դիմելու է ժողովրդին․ ուղերձում կհայտարարի Սահմանադրության նախագծի հրապարակման մասին
18.11.2026 | 12:46
Առաջարկում եմ գործարկել Հայաստանի «ֆինանսական հրթիռը»․ նախարարը ներկայացրել է բյուջեի նախագիծն ու տնտեսական ցուցանիշները․ ՏԵՍԱՆՅՈՒԹ
18.11.2026 | 12:37
Բայրամովը հայտարարել է, որ TRIPP-ի տեխնիկական պարամետրերը պետք է համաձայնեցվեն Ադրբեջանի հետ
18.11.2026 | 12:29
Հայաստանի գազամատակարարման համակարգը պատրաստ է ձմռանը․ «Գազպրոմ Արմենիա»
18.11.2026 | 12:18
Խաղաղության պայմանագրի ստորագրումը Հայաստանում իմ հանդիպման հիմնական թեման կլինի․ Գերմանիայի ԱԳ նախարար
18.11.2026 | 12:10
Փաշինյանի մասնակցությամբ ԱԺ-ն բյուջեի նախագիծը կքննարկի // Քամու ուժգնացում է սպասվում․ ԼՈՒՐԵՐ
18.11.2026 | 12:09
Աշխարհի առաջին ռակետը կիսաեզրափակիչի ուղեգիր է ապահովել Ամփոփիչ մրցաշարում. ՏԵՍԱՆՅՈՒԹ
18.11.2026 | 12:04
Հայաստանում սննդամթերքի, կոշկեղենի, ավտոպահեստամասերի և այլ ապրանքների դրոշմավորման փորձնական ծրագրեր են իրականացվում
18.11.2026 | 12:01
Nvidia-ն մերժել է Ջենսեն Հուանգի՝ գլխավոր տնօրենի պաշտոնին վերադառնալու առաջարկը
18.11.2026 | 11:52
Ինչքա՞ն է բյուջեի ճեղքվածքը այս տարի․ Նարեկ Կարապետյանը՝ նախարարին․ ՏԵՍԱՆՅՈՒԹ
18.11.2026 | 11:44
Բայրամովը Գերմանիայի ԱԳ նախարարի հետ Երևանի ու Բաքվի միջև խաղաղության գործընթացն է քննարկել
18.11.2026 | 11:43
Նարեկ Կարապետյանի ճեպազրույցը՝ ՈՒՂԻՂ
18.11.2026 | 11:38
Կոտրել են Հեռուստատեսության և ռադիոյի հանձնաժողովի ֆեյսբուքյան էջը․ ՀՌՀ-ի անունից մեկնաբանություններ են հրապարակվել
Բոլորը

Նախորդ տարի ՀՀ վարչապետ Նիկոլ Փաշինյանը ԿԳՄՍ նախարարությունում խոսելով մարզային և քաղաքային գրադարանների մասին՝ հայտարարել էր, որ անհրաժեշտ է դրանց կառավարումն արտապատվիրակել ոլորտում փորձ ունեցող լավագույն ընկերություններին։ Factor TV-ն փորձել է Կրթության, գիտության, մշակույթի և սպորտի նախարարությունից պարզել, թե  ինչո՞ւ են որոշել արտապատվիրակումներ անել, արդեն որոշում կա՞, թե որ ընկերություններին են դրանք արտապատվիրակվելու՝ տեղակա՞ն, թե՞ միջազգային։

Նախ, նախարարությունից պարզաբանել են, որ մշակվել է համայնքներում մշակութային-ժամանցային կենտրոնի գործունեության հայեցակարգի նախագիծը: Այս նախագծով, ըստ պատկան մարմնի, մարզերի համայնքային գրադարանների հենքի վրա ստեղծվում են ժամանակակից տեղեկատվական կենտրոններ, ինչի արդյունքում ձևավորվում են արդիականացված գրադարաններ:

Այդ կենտրոնների նպատակն է ապահովել համայնքի մշակութային կյանքի ակտիվացումը, հանրային ընթերցանության, գեղագիտական կրթության զարգացումը, ինչպես նաև համայնքի բնակչության որակյալ և բովանդակալից ժամանցի կազմակերպումը:

Ինչ վերաբերում է կենտրոնների արտապատվիրակմանը, ԿԳՄՍՆ-ից հայտնել են, որ ներկայում ընտրվել են Վայոց ձորի մարզի Արենի խոշորացված համայնքի Ռինդ, Կոտայքի մարզի Նաիրի խոշորացված համայնքի Եղվարդ, Շիրակի մարզի Անի խոշորացված համայնքի Մարալիկ բնակավայրերը և Արմավիրի մարզի Արմավիր, Արագածոտնի մարզի Թալին համայնքները, որոնցում նախատեսվում է իրականացնել փորձարարական ծրագիրը: 

«Մշակույթի տների նախագծերի պատրաստման և նախագծման գնման մրցույթի արդյունքում կնքվել է պայմանագիր Ռինդ, Եղվարդ բնակավայրի և Թալին, Արմավիր համայնքների մշակույթի տների նախագծանախահաշվային փաստաթղթերը կազմելու նպատակով: Մարալիկ բնակավայրի մրցույթը 2 անգամ չի կայացել, որն

առաջիկայում կրկին կհրապարակվի: Կենտրոնների գործարկումը իրականացնող կազմակերպության ընտրությունը նախարարությունը ևս կիրականացնի մրցութային կարգով»,- ասված է նախարարության պատասխանում։

Բացի այս, նախատեսվում է նաև դպրոցներում վարչատնտեսական որոշ գործառույթներ ևս արտապատվիրակել, որոնց թվում են՝ հաշվապահությունը, գնումների գործընթացը։

Հանրակրթական ուսումնական հաստատություններում հաշվապահական հաշվառման և գնումների համակարգման ծառայությունները պատվիրակելու վերաբերյալ ԿԳՄՍ նախարարությունից տեղեկացրել են, որ գնման հայտերի հավաքագրման գործընթաց սկսելը պայմանավորված է եղել Նիկոլ Փաշինյանի  կողմից 2023 թվականի հունվարի 11-ին և 16-ին  նախարարությունում անցկացված խորհրդակցության արդյունքում կազմված արձանագրության պահանջով։

«Վարչատնտեսական գործառույթների արտապատվիրակման հարցի վերաբերյալ դպրոցների և մարզերի հետ քննարկումներ տեղի են ունեցել դեռևս 2021 թվականից, երբ

«Հանրակրթության մասին» օրենքում փոփոխությունների կատարման ժամանակ երկու անգամ հանրային քննարկում է կազմակերպվել, ինչպես նաև հարցը բազմիցս քննարկվել է ուսումնական հաստատությունների տնօրենների հետ տեղի ունեցած խորհրդակցությունների ընթացքում: Հանրային քննարկման է ներկայացվել

նաև «Հայաստանի Հանրապետության կառավարության 2023 թվականի հունվարի 12-ի N 57-Ն որոշման մեջ փոփոխություններ կատարելու մասին» ՀՀ կառավարության որոշման նախագիծը: «Հանրակրթության մասին» օրենքի 10-րդ հոդվածի 4-րդ կետի համաձայն՝ պետական ուսումնական հաստատությունում վարչատնտեսական գործընթացի կառավարումն իրականացնում է ուսումնական հաստատության համակարգողը կամ լիազոր մարմնի պատվիրակած իրավաբանական անձը՝ օրենսդրությամբ սահմանված կարգով»,- մանրամասնել են նախարարությունից։

Վարչատնտեսական գործառույթների արտապատվիրակման առնչությամբ էլ պատասխանել են, որ համապատասխան ընկերությունները դեռևս ընտրված չեն. դրանք որոշվելու են նախարարության կողմից կենտրոնացված կարգով բաց մրցույթի արդյունքում:

Մանյա Պողոսյան