24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Լավրովը և Ուշակովը մեկնում են Սաուդյան Արաբիա՝ վաղը ԱՄՆ-ի հետ բանակցությունների մասնակցելու․ Պեսկով
Քաղաքականություն
17.02.2025 | 14:19
Սաուդյան Արաբիան որպես ռուս-ամերիկյան բանակցությունների վայր ընտրվել է երկու երկրների համատեղ որոշմամբ՝ ԱՄՆ նախագահ Դոնալդ Թրամփի առաջարկով։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։ Նա նշել է, որ Էր Ռիադ կմեկնեն ՌԴ ԱԳ նախարար Սերգեյ Լավրովը և նախագահի օգնական Յուրի Ուշակովը, գրում է Ինտեֆաքսը։
«Սաուդյան Արաբիան հիշատակել է նախագահ Թրամփը, երբ նրանք խոսում էին հնարավոր գագաթնաժողովի հնարավոր վայրի մասին։ Այն ըմբռնման շրջանակում, որ այս վայրն ամբողջությամբ հարմար է և՛ ամերիկյան, և՛ ռուսական կողմերին, սա նման համատեղ որոշում է։ Այսօր, նախագահ Պուտինի հանձնարարությամբ, ԱԳ նախարար Լավրովը և նախագահի օգնական Յուրի Ուշակովը մեկնում են Էր Ռիադ: Սպասվում է, որ երեքշաբթի նրանք հանդիպում կանցկացնեն ամերիկացի գործընկերների հետ, որն առաջին հերթին նվիրված կլինի ռուս-ամերիկյան հարաբերությունների ամբողջ համալիրի վերականգնմանը»,- ասել է Պեսկովը։
Նա նշել է, որ հանդիպումը նաև նվիրված կլինի ուկրաինական կարգավորման հնարավոր բանակցությունների նախապատրաստմանը և երկու նախագահների հանդիպման կազմակերպմանը։
Հիշեցնենք, որ ավելի վաղ մի շարք լրատվամիջոցներ հայտնել էին փետրվարի 18-ին Սաուդյան Արաբիայում Ուկրաինայի հարցով ԱՄՆ-ի և ՌԴ-ի ներկայացուցիչների հանդիպում անցկացնելու մասին։
Թարգմանությունը՝ Էմմա Չոբանյանի
