16.07.2026 | 15:43
Քիր Սթարմերը հրաժեշտի այցով Կիև է ժամանել
Վերաքննիչ դատարանը սեպտեմբերի 18-ին նշանակված դատական նիստի մասին ծանուցումը պաշտպանին ուղարկել է սեպտեմբերի 19-ին. ՀՔԱՎ
Հասարակություն
25.09.2018 | 14:20
ՀՀ Վերաքննիչ քրեական դատարանը 2018 թ. սեպտեմբերի 18-ին կայանալիք նիստի մասին ծանուցումը ՀՔԱ Վանաձորի գրասենյակի փաստաբան Արայիկ Զալյանին ուղարկել է 2018թ. սեպտեմբերի 19-ին, իսկ ծրարը փոստային համակարգով ՀՔԱ Վանաձորի գրասենյակ է հասել միայն սեպտեմբերի 22-ին՝ դատական նիստից 4 օր անց:
ՀՀ Վերաքննիչ քրեական դատարանը 2018թ. սեպտեմբերի 18-ին նշանակված դատական նիստում քննելու էր ոստիկանների դեմ սուտ ցուցմունք տալու մեջ մեղադրվող Արման Հովսեփյանի արդարացման դատավճռի դեմ դատախազ Ա. Շահբազյանի վերաքննիչ բողոքը:
Երևան քաղաքի ընդհանուր իրավասության դատարանը արադարացման դատավճիռ էր կայացրել 2018 թ. հուլիսի 18-ին:
Ուշագրավ է, որ ծանուցումը փոստ է հանձնվել դատական նիստի հաջորդ օրը, երբ դա արդեն ոչ մի նշանակություն չուներ, և տպավորություն է, որ ՀՀ Վերաքննիչ քրեական դատարանի աշխատակազմը պարզապես, այսպես ասած, «պլան է կատարել» մի կողմից, մյուս կողմից՝ փաստացի իր այդ գործողությամբ խոչընդոտել է ամբաստանյալի պաշտպանի՝ դատական նիստին մասնակցությունը:
Ծանուցման ծրարը՝ ամսաթվերի նշումով և այլ մանրամասներ՝ ԱՅՍՏԵՂ
