18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Իշխանությունները Ռուսաստանի ազդեցությունը փորձում են փոխարինել Թուրքիայի ազդեցությամբ. Խաչատրյան․ ՏԵՍԱՆՅՈՒԹ
Քաղաքականություն
13.01.2025 | 13:40
«Ենթադրենք՝ ԵՄ անդամակցության համար հանրաքվե արեցին, ժողովրդի 95%-ն էլ ասաց համաձայն եմ, հետո՞, Եվրամիությունից մենք ստացե՞լ ենք որոշակի ազդակ, որ իրենք ասում են՝ դուք հանրաքվե արեք, մենք մեր դռները ձեր առաջ կբացենք»,- ԱԺ-ում լրագրողների հետ ճեպազրույցում հարց բարձրացրեց «Հայաստան» խմբակցության պատգամավոր Արթուր Խաչատրյանը:
Ըստ ընդդիմադիր պատգամավորի՝ իշխանությունները փորձում են ժողովրդին մոլորեցնել՝ ասելով քվեարկեք, վաղը չէ մյուս օրը Հայաստանը կդառնա Եվրամիության անդամ: Նա նշեց, որ այս հարցում Նիկոլ Փաշինյանը, կարծես, տրիվիալ ճշմարտություն է ասում։
«Ռուսաստանի արձագանքն էլի տրիվիալ ճշմարտություն է, որովհետև դու չես կարող միաժամանակ լինել մի մաքսային միության անդամ և մի միության, որն ավելի քաղաքական է, բայց նաև ստեղծվել է որպես մաքսային միության, երկու աթոռի վրա միաժամանակ չես կարող նստել։ Ռուսաստանը ասում է՝ այն, ինչը Փաշինյանը չի ուզում ասի: Սա Ռուսաստանից հեռանալու խնդիր է, բայց ո՞ւր, ես չգիտեմ, որովհետև Հայաստանից արևմուտք Թուրքիան է։ Փաշինյանը, հեռանալով Ռուսաստանից, տանում է դեպի Թուրքիա, իշխանությունները Ռուսաստանի ազդեցությունը փորձում են փոխարինել Թուրքիայի ազդեցությամբ։ Ֆիդանի վերջին հայտարարությունը, այս իշխանությունների հայտարարությունները, որ Թուրքիան կարող է դառնալ կամուրջ Հայաստանի և Եվրոպական Միության միջև, դա են հուշում»,- նկատեց պատգամավորը։
Մանրամասները՝ տեսանյութում։
