25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Անտառային հրդեհներ` Լոս Անջելեսի արևմուտքում, բնակիչներին կոչ են արել տարհանվել․ ՏԵՍԱՆՅՈՒԹ
Քաղաքականություն
08.01.2025 | 13:23
ԱՄՆ Քալիֆորնիա նահանգի իշխանություններն արտակարգ դրություն են հայտարարել Լոս Անջելեսում անտառային հրդեհների պատճառով, որոնք ընդգրկել են քաղաքի արևմտյան հատվածը: Բնակիչներին տարհանման հրահանգ է տրվել։
Պալիսադեսի տարհանման գոտում ապրում է շուրջ 30 հազար մարդ։ Մամուլի ասուլիսում տեղի պաշտոնյաները հայտնել են, որ վտանգի տակ է շուրջ 10,000 տուն:
Քալիֆորնիայի նահանգապետ Գևին Նյուսոմը հայտնել է, որ հրդեհի հետևանքով արդեն իսկ ավերվել են բազմաթիվ շենքեր:
Լոս Անջելեսի հրշեջների ղեկավար Քրիստին Քրոուլին ասել է, որ վիրավորներ չկան՝ չնայած քաոսային տարհանմանը։ ԱՄՆ նախագահ Ջո Բայդենը զեկուցվել է զարգացումների մասին, կապ է պահպանվում պետական և տեղական պաշտոնյաների հետ, հայտնում է CNN-ը՝ հղում անելով Սպիտակ տանը։
Իշխանությունները զգուշացնում են, որ հրդեհները կարող են ուժգնանալ քամու պատճառով:
Ազգային օդերևութաբանական ծառայությունը հայտնել է, որ որոշ շրջաններում սպասվում են մինչև 100 մղոն/ժ արագությամբ քամիներ:
Կանխատեսվում է, որ տագնապի բարձր մակարդակը կպահպանվի մինչև հինգշաբթի երեկո:
Թարգմանությունը՝ Տաթև Ֆռանգյանի
Wildfire rages through upscale Los Angeles area, forcing evacuations 01/08 pic.twitter.com/uOvtI1mecv
— Angry Citizen 🆇︎ (@AngryCitizenxx) January 8, 2025
