05.05.2025 | 23:29
Թուրքիայի գլխավոր ընդդիմադիր կուսակցության ղեկավարը հարձակման է ենթարկվել. հարձակվողը ձերբակալվել է
Գերմանիայում եղանակային վատ պայմանների պատճառով տասնյակ չվերթեր են չեղարկվել
Քաղաքականություն
05.01.2025 | 17:51
Գերմանիայի մի շարք շրջաններում հունվարի 5-ին տրանսպորտի աշխատանքը խափանվել է ձյան և սառցե անձրևի պատճառով։ Անբարենպաստ եղանակը հանգեցրել է ավիաչվերթների և գնացքների բնականոն աշխատանքի չեղարկման ու ուշացումների․ գրում է DW-ն։
Ֆրանկֆուրտի օդանավակայանում չեղարկվել է 120 չվերթ 1090 նախատեսվածից, հաղորդում է Bild-ը։ Մյունխենի օդանավակայանում չեղարկվել է 35 չվերթ, իսկ Բեռլին-Բրանդենբուրգի օդանավակայանում՝ 30։ Շտուտգարտի օդանավակայանում մի քանի թռիչքներ հետաձգվել են ինքնաթիռները սառույցից մաքրելու անհրաժեշտության պատճառով։
Նմանատիպ խնդիրներ են առաջացել նաև երկաթուղային տրանսպորտում, հատկապես Ֆրանկֆուրտի շրջանում։ Deutsche Bahn ընկերության տվյալներով՝ մի քանի գնացքների երթուղիները չեղարկվել են, իսկ մի քանիսը շարժվել են մինչև 30 րոպե ուշացումով։
