18.12.2025 | 20:56
Ոստիկանները պիտի կարգ պահեին, բայց ամբողջությամբ թերացել են․ Գեղամ Մանուկյան. ՏԵՍԱՆՅՈՒԹ
Հարավային Կորեայի նախագահին քննիչները չեն կարողացել ձերբակալել թիկնապահների դիմադրության պատճառով
Քաղաքականություն
03.01.2025 | 15:00
Հարավկորեացի քննիչները, որոնք վարում են երկրի պաշտոնանկ արված նախագահ Յուն Սոկ Յոլի գործը, հունվարի 3-ի առավոտյան ժամանել են Սեուլի նստավայր՝ նրան ձերբակալելու, գրում է DW-ի ռուսական ծառայությունը։
Yonhap գործակալության փոխանցմամբ՝ Հարավային Կորեայի բարձրաստիճան պաշտոնյաների քրեական հետախուզության ծառայության (CIO) և ոստիկանության աշխատակիցները Յունի նստավայր են ժամանել տեղական ժամանակով ժամը 7.20-ի սահմաններում։ Ժամը 8.00-ի սահմաններում 50 հոգանոց քննչական խումբը մուտք է գործել նստավայրի տարածք, սակայն արգելափակվել է զինվորականների կողմից։ Քննիչներին հաջողվել է ճեղքել զինվորականների երկու շարքերը, սակայն նրանց խոչընդոտել են Յունի թիկնապահները։
Նախագահական նստավայրի մերձակայքում կարգուկանոն պահպանելու համար ոստիկանությունը տեղակայել է 45 հատուկ նշանակության ստորաբաժանման 2,7 հազար աշխատակցի։ Յունի կողմնակիցները կոչ են արել «պաշտպանել նախագահին» և «չեղարկել իմփիչմենթը»։ Նրանցից ոմանք բախվել են ոստիկանների հետ։
Ի վերջո, քննիչները նախագահի թիկնապահների հետ երկար առճակատումից հետո հրաժարվել են նրան ձերբակալել։
Սեուլի Արևմտյան շրջանային դատարանը դեկտեմբերի 31-ին Յունի ձերբակալության օրդեր է տվել CIO-ին: Սա տեղի է ունեցել այն բանից հետո, երբ պաշտոնանկ արված նախագահը երեք անգամ չի ներկայացել հարցաքննության։
Թարգմանությունը՝ Էմմա Չոբանյանի
