08.05.2025 | 09:41
Վերականգնվել է պետությանը պատճառված վնասից 1 մլրդ 800 մլն դրամը
ԱՄՆ-ը կհայտարարի Ուկրաինային օգնության նոր փաթեթի մասին․ այն կկազմի 1,25 մլրդ դոլար
Քաղաքականություն
30.12.2024 | 11:26
Ուկրաինայի նախագահ Վլադիմիր Զելենսկին հայտնել է, որ ԱՄՆ-ը երկուշաբթի կհայտարարի Ուկրաինային օգնության ևս մի զգալի փաթեթի մասին։ Ըստ AP-ի՝ դրա ծավալը կկազմի 1,25 մլրդ դոլար, փոխանցում է BBC-ի ռուսական ծառայությունը։
«Ես գիտեմ, որ պատրաստվում է Ամերիկայի կարևոր որոշումը՝ ի պաշտպանություն Ուկրաինայի։ Մենք ակնկալում ենք վաղը պաշտոնական հայտարարություն՝ զգալի աջակցության փաթեթներ մեր զինվորներին»,- ասել է Զելենսկին երեկոյան ելույթում։
ԱՄՆ պաշտոնական աղբյուրներն AP-ին հայտնել են, որ նոր փաթեթը կներառի զգալի քանակությամբ զինամթերք, այդ թվում՝ հրթիռներ NASAMS և HAWK հակաօդային պաշտպանության համակարգերի համար։ Լրատվամիջոցի զրուցակիցների խոսքով՝ ԱՄՆ-ն Ուկրաինային կտրամադրի նաև 155 և 105 մմ տրամաչափի Stinger հրթիռներ և հրետանային արկեր։
AP-ն նշում է, որ ԱՄՆ հեռացող նախագահ Ջո Բայդենի վարչակազմը ձգտում է հնարավորինս շատ օգնություն ուղարկել Ուկրաինային մինչև հունվարի 20-ը, երբ Դոնալդ Թրամփը կստանձնի պաշտոնը։
Ավելի վաղ պիտակ տան ներկայացուցիչները հաստատել էին, որ Ուկրաինան շուտով կստանա ամերիկյան օգնության նոր փաթեթ, սակայն չեն նշել ո՛չ ամսաթիվը, ո՛չ ծավալը։ AP-ն գրում է, որ ամերիկացի պաշտոնյաները խոստովանել են՝ Պենտագոնը դժվար թե հասցնի օգտագործել Կոնգրեսի կողմից հատկացված ամբողջ 5,6 միլիարդ դոլարը՝ օգնելու Ուկրաինային մինչև Թրամփի երդմնակալությունը։
Թարգմանությունը՝ Էմմա Չոբանյանի
