27.12.2024 | 21:59
Քաղաքական պատվեր է․ Մոսկվան հերքում է Բաքվի և Աստանայի հետ ավիաաղետի վարկածների մշակման մասին լուրերը
Պուտինը հայտարարել է, որ Ռուսաստանը շահագրգռված է ԵՏՄ-ի գործընկերների հետ աշխատանքի ակտիվացմամբ
Քաղաքականություն
26.12.2024 | 16:00
Ռուսաստանի նախագահ Վլադիմիր Պուտինը Եվրասիական տնտեսական բարձրագույն խորհրդի նեղ կազմով նիստի բացմանն ունեցած ելույթում հայտարարել է, որ ԵՏՄ-ն հաստատվել է որպես զարգացող բազմաբևեռ աշխարհի անկախ և ինքնաբավ կենտրոններից մեկը։ Նա նշել է Ռուսաստանի շահագրգռվածությունը՝ ակտիվացնելու աշխատանքը ԵՏՄ-ի գործընկերների հետ։
ՌԴ նախագահի խոսքով՝ ԵՏՄ գործունեությունը, ի թիվս այլ բաների, նպաստում է առևտրի և ներդրումային փոխանակումների ընդլայնմանը։ Բացի այդ, երկրների միջև փոխգործակցությունն «իրական օգուտներ է բերում մասնակիցներից յուրաքանչյուրին» և օգնում է ապահովել ամբողջ եվրասիական տարածաշրջանի տնտեսությունների կայուն աճը, վստահ է նա։
«Ռուսաստանը բարձր է գնահատում Եվրասիական տնտեսական համայնքի իր գործընկերների հետ փոխշահավետ բազմակողմ համագործակցությունը, և մենք անկեղծորեն շահագրգռված ենք ակտիվացնել համատեղ աշխատանքը՝ մեր ինտեգրացիոն ասոցիացիան համակողմանի ամրապնդելու համար»,- ասել է Վլադիմիր Պուտինը, փոխանցում է Կոմերսանտը:
Հանդիպումը տեղի է ունենում Լենինգրադի մարզում։ ՀՀ վարչապետ Նիկոլ Փաշինյանը մասնակցում է տեսակապի միջոցով։
Երեկ՝ դեկտեմբերի 25-ին, Սանկտ Պետերբուրգում տեղի ունեցավ ԱՊՀ ամենամյա ոչ պաշտոնական գագաթնաժողովը։ Հայաստանի վարչապետը չի կարողացել մասնակցել դրան՝ կորոնավիրուսի դրական թեստի պատճառով։
Ղազախստանում «Ադրբեջանական ավիաուղիներ»-ի ինքնաթիռի կործանման պատճառով էլ Ադրբեջանի նախագահ Իլհամ Ալիևը շտապ վերադարձել է Բաքու։
Թարգմանությունը՝ Տաթև Ֆռանգյանի
